Prakuratura Pieršamajskaha rajona stalicy padtrymała ŭ sudzie dziaržaŭnaje abvinavačvańnie pa kryminalnaj spravie ŭ dačynieńni da minčuka, jaki, pahražajučy pradmietam, padobnym da pistaleta, abrabavaŭ bukmiekierskuju kantoru.
Zdareńnie adbyłosia 17 žniŭnia. Mužčyna zajšoŭ u pamiaškańnie bukmiekierskaj kantory ŭ padziemnym pierachodzie stancyi mietro «Uručča». Jon niekalki razoŭ zapatrabavaŭ, kab kasir pieradaŭ jamu hrošy z kasy, a zatym prademanstravaŭ pradmiet, padobny da pistaleta. U vyniku supracoŭnik bukmiekierskaj kantory addaŭ 1 479 rubloŭ.
Kali rabaŭnika zatrymali, jon patłumačyŭ supracoŭnikam milicyi, što ździejśniŭ złačynstva praź ciažkoje materyjalnaje stanovišča. Jon mierkavaŭ, što supracoŭniki MUS zadziejničanyja na akcyjach pratestu i nichto jaho nie budzie šukać.
Tym nie mienš jamu dali try hady pazbaŭleńnia voli biez štrafu z adbyvańniem u papraŭčaj kałonii va ŭmovach ŭzmocnienaha režymu.
Prysud nie nabyŭ zakonnuju moc, moža być abskardžany i apratestavany.
