Fota ź Vikipiedyi
Pomnik architektury XVII stahodździa pradali na aŭkcyjonie z treciaj sproby. Imia pakupnika zastajecca ŭ sakrecie. Heta fizičnaja asoba.
Upieršyniu jaje vystavili na aŭkcyjon sioleta ŭ mai. Tady budynak acanili ŭ 137 tysiač rubloŭ, ale žadajučych nie znajšłosia, nahadvaje Radyjo Svaboda.
Paźniej Łondanski fond habrejskaj spadčyny vykazaŭ žadańnie vykupić pomnik architektury, jaki ŭnios u śpis samych značnych abjektaŭ habrejskaj suśvietnaj spadčyny, jakim patrebna dapamoha.
Mierkavałasia, što košt vykupu sinahohi źniziać da druhoha aŭkcyjonu, adnak jaho źnizili ŭsiaho na 10%, chacia, pa słovach łondanskaj arhanizacyi, pierš było abiacańnie źnizić sumu na 50%.
Sinahoha — pomnik baročnaj architektury, jaje pabudavali ŭ 1642 hodzie. Jana ŭvachodzić u Dziaržaŭny śpis historyka-kulturnych kaštoŭnaściaŭ Biełarusi. U 1881 hodzie budynak mocna paciarpieŭ padčas vialikaha pažaru, ale byŭ adbudavany na achviaravańni haradžan. Dziejničała da 1940 hoda, a paśla II Suśvietnaj vajny u sinahozie zrabili skład i handlovyja pamiaškańni.
