U Łunincy dvuch padletkaŭ špitalizavali paśla raśpivańnia ałkaholu, paviedamlaje UUS Bresckaha abłvykankama.
Incydent adbyŭsia 28 śniežnia. U reanimacyju centralnaj rajonnaj balnicy dastavili dvuch padletkaŭ va ŭzroście 13-14 hadoŭ u stanie mocnaha ałkaholnaha apjanieńnia.
Akazałasia, što piaciora padletkaŭ paprasili piensijaniera nabyć dla ich 5 ł vina. Ałkahol niepaŭnaletnija ŭžyli pablizu čyhunačnaha mosta. Dvum nieŭzabavie stała drenna, adzin ź ich straciŭ prytomnaść. Minaki vyklikali chutkuju.
Na piensijaniera, jaki kupiŭ ałkahol, składzieny administracyjny pratakoł pa art. 17.4 KaAP. Na hety momant špitalizavanych školnikaŭ adpuścili dadomu, ź imi ŭsio ŭ paradku.
0
0
0
0
0
0
