Biełaruś atrymała pieršy tranš rasijskaha kredytu ŭ sumie, ekvivalentnaj $500 młn, paviedamili ŭ Ministerstvie finansaŭ Biełarusi.
«U adpaviednaści z pahadnieńniem pamiž uradami Biełarusi i Rasii ab pradastaŭleńni ŭradu Biełarusi dziaržaŭnaha finansavaha kredytu 30 śniežnia na rachunak Ministerstva finansaŭ pastupili srodki pieršaha tranšu dziaržaŭnaha finansavaha kredytu ŭ sumie, ekvivalentnaj $0,5 młrd», — paviedamili ŭ pres-słužbie.
Jak paviedamlałasia, pahadnieńnie ab pradastaŭleńni kredytu było padpisana 21 śniežnia. Druhi tranš kredytu ŭ sumie, ekvivalentnaj $0,5 młrd, budzie pradastaŭleny Biełarusi ŭ 2021 hodzie.
