Homielskaha śviatara Uładzimira Drabyšeŭskaha pazbavili prava našeńnia śviatarskaha adzieńnia i naparsnaha kryža, paviedamlajuć Mocnyja naviny.
Zhodna z adpaviednym ukazam Homielskaj jeparchii BPC Uładzimir Drabyšeŭski nie padaŭ va ŭstanoŭlenyja terminy prašeńnie ab padaŭžeńni terminu za štatam abo prašeńnie ab viartańni ŭ klir Homielskaj jeparchii. Taksama va ŭkazie skazana, što jon apublikavaŭ zajavu ab niežadańni asacyjavać siabie z BPC i RPC.
Pry hetym Uładzimir Drabyšeŭski ličyć, što pryčynaj pazbaŭleńnia jaho prava našeńnia śviatarskaha adzieńnia i naparsnaha kryža stała jaho hramadzianskaja pazicyja.
«Juryst Minskaj mitrapolii kazała mnie, što «ŭsio možna ŭładzić, zvalnieńnie niepravamocnaje… Tolki pierastańcie vychodzić i paprasiciesia nazad». Mabyć, vielmi mitrapalitu moj padraśnik i kryž mulali vočy na vulicach Homiela», — napisaŭ jon.
Nahadajem, viadomy ciapier na ŭsiu krainu homielski śviatar Uładzimir Drabyšeŭski, jaki vyjšaŭ na adzinočny pikiet nasuprać budynka SK z płakatam «Spynicie hvałt», adbyŭ pakarańnie ŭ 25 sutak. Spačatku jaho asudzili na 10 za ŭdzieł u adnoj mirnaj akcyi pratestu, potym, nie adpuskajučy dadomu, adpravili na sud, dzie dali jašče 15.
