Kitaj zarehistravaŭ svaju pieršuju vakcynu ad karanavirusa Sinopharm. Jaje efiektyŭnaść składaje 79,3%. Heta našmat nižej, čym u amierykanska-jeŭrapiejskaj BioNTech/Pfizer (95%) i amierykanskaj Moderna (94,1%).
Dziaržaŭnaje ŭpraŭleńnie pa lekavych srodkach Kitaja ŭchvaliła inaktyvavanuju vakcynu ad karanavirusa, jakuju raspracavała China National Biotec Group (CNBG) (padraździaleńnie Sinopharm), dla šyrokaha vykarystańnia, paviedamlaje Xinhua.
U paviedamleńni havorycca, što ŭ budučyni nieabchodna budzie pastajanna nazirać za efiektyŭnaściu i daŭhaviečnaściu achoŭnaha miechanizmu, stvaranaha vakcynaj.
Tym nie mienš da hetaha kampanija paviedamlała, što jaje preparat pakazaŭ efiektyŭnaść na ŭzroŭni 79,3% pa pramiežkavych vynikach treciaj fazy kliničnych vyprabavańniaŭ. Vyniki daśledavańniaŭ adpaviadali standartam Suśvietnaj arhanizacyi achovy zdaroŭja (SAAZ), zajaŭlała kampanija.
Vakcyna Sinopharm prachodzić kliničnyja vyprabavańni ŭ niekalkich krainach, akramia Kitaja, uklučajučy AAE, Bachrejn, Iardaniju, Pieru i Arhiencinu. U Bachrejnie i AAE ŭłady ŭžo ŭchvalili vykarystańnie preparata, pryčym u apošniaj dziaržavie paviedamili ab efiektyŭnaści vakcyny na ŭzroŭni 86%.
Biełaruś zajaviła pra namier vykarystać rasijskuju vakcynu Sputnik V. Vakcynacyju joju ŭ Rasii pačynajecca, choć jaje teściravańnie nie było praviedziena naležnym čynam pa standartach SAAZ.
