BiełTA
Pra heta zajaviŭ siońnia Alaksandr Łukašenka, razmaŭlajučy z kalektyvam RNPC dziciačaj ankałohii, hiematałohii i imunałohii i rabotnikami ŚMI, piša BiełTA.
«Mianie paprakajuć, što ja tam chaču takim čynam uładu svaju padoŭžyć. Słuchajcie, hłupstva poŭnaje. Kali ja zachaču svaju ŭładu padoŭžyć, tak u mianie jość usie mahčymaści zastacca prezidentam.
Što tam užo (kažuć), na Usiebiełaruskim narodnym schodzie, ja budu staršynioj. Toj, chto baicca, što Łukašenka zastaniecca va ŭładzie, pavinien malicca, kab ja staŭ niejkim tam staršyniom hetaha schodu. Nichto paŭnamoctvy šalonyja na Usiebiełaruski narodny schod adpraŭlać nie budzie. Kiraŭnik dziaržavy budzie — prezident. Heta vy jaho abiarecie. Premjer-ministr budzie, parłamientaryi i inšyja», - zajaviŭ Łukašenka.
Jon źviarnuŭ uvahu, što heta pakul niavyrašanaje pytańnie, kab zrabić UNS kanstytucyjnym orhanam: «heta ŭ Kanstytucyi budzie ŭ prajekcie prapisana i na refierendumie vy budziecie vyrašać. Nichto na Usiebiełaruskim schodzie nie budzie prymać kanstytucyjnych rašeńniaŭ, kab vy viedali. Nichto! Schod pavinien akreślić aryjenciry na piacihodku».
«Usiebiełaruski narodny schod nijakija kanstytucyjnyja normy, Kanstytucyju mianiać nie ŭpaŭnavažany i nie budzie. I my cisnuć na heta nie budziem. Heta budzie niesumlenna. Ale abmiarkujem usie pytańni, jakija na dyjałohavych placoŭkach abmierkavali, jakija ŭspłyli i stajać pierad biełaruskim narodam», - dadaŭ Łukašenka.
Jon zapeŭniŭ, što UNS budzie praviedziena sumlenna i adkryta. «Usio budzie tak, jak treba. I na Usiebiełaruskim narodnym schodzie buduć samyja prasunutyja patryjoty našaj krainy. Heta nie značyć, što tam buduć adny «jabaćki», ci jak vy ich nazyvajecie … tam buduć tyja ludzi, jakich vy tudy nakirujecie», - skazaŭ jon.
