Mužčyna, źbity ŭ žniŭni 2020 hoda, kali ludzi patrabavali svabodnych vybaraŭ z sumlennym i prazrystym padlikam hałasoŭ.
Nie mienš za 66 čałaviek byli zatrymanyja ŭ Biełarusi z 21 da 30 śniežnia pa palityčnych matyvach. Stolki imionaŭ viedajuć pravaabaroncy. Pierad Novym hodam represiŭnaja mašyna zbaviła abaroty, abłaŭ było mienš (na papiarednim tydni byli zatrymanyja 323 čałavieki, dva tydni tamu — 381 čałaviek, try tydni tamu — 433 čałavieki). Zatoje vialikuju dolu siarod zatrymanych składajuć fihuranty kryminalnych spraŭ.
Takim čynam, jak padličyła «Naša Niva», ahulnaja ličba zatrymańniaŭ za čas pratestaŭ dasiahnuła jak minimum 32 084.
Varta adznačyć, što hetaja ličba daloka nie poŭnaja. Zatrymanych stolki, što ŭličyć usich niemahčyma. Navat ahulnaja kolkaść ludziej, aryštavanych pa kryminalnych spravach, pakul dakładna nieviadomaja, bo ich vielmi šmat.
Bolš za 900 čałaviek (śpis pa spasyłcy niapoŭny, pravaabaroncy zadakumientavali tolki tych ludziej, chto sam pra siabie paviedamiŭ abo čyje svajaki paviedamili) prachodziać pa kryminalnych artykułach
— ad Siarhieja Cichanoŭskaha i Viktara Babaryki da žurnalistak Kaciaryny Barysievič i Kaciaryny Andrejevaj i rabočych Žłobinskaha mietałurhičnaha zavoda, dzie kryminalnuju spravu zaviali za zabastoŭku.
Ahułam viadomych kryminalnych spraŭ bolš za 900. Nie mienš za 320 pradpryjemstvaŭ i biznesaŭ trapili pad ekanamičnyja represii za padtrymku pratestaŭ.
Na minułym tydni, akramia Minska, zatrymlivali ludziej taksama ŭ Hatavie i Laskoŭcy (Minski rajon), Breście, Salihorsku, Śvietłahorsku, Smalavičach, Oršy, Maładziečnie, Słonimie, Viciebsku, Drahičynie, Lidzie.
U Oršy adbyŭsia pieratrus u piensijanierki Lidzii Papovaj. Na jaje za abrazu ŭ sacyjalnych sietkach zajavu napisała dyrektarka škoły №21 Taćciana Ałanćjeva. Piensijanierka zrabiła repost pra Ałanćjevu, a ciapier na jaje zaviedzienaja kryminalnaja sprava.
Piać čałaviek aryštavanyja pa spravie «Pres-kłuba».
U Maładziečnie zatrymali troch čałaviek u miežach kryminalnaj spravy ab hrupavych dziejańniach, jakija hruba parušajuć hramadski paradak (art. 342 KK): baćka i syn Sidarovič Ihar i Sidarovič Siarhiej, a taksama dziaŭčyna Siarhieja Elina Karyćka. Usie ŭziatyja pad vartu na 72 hadziny, va ŭsich byŭ pieratrus, zabrali techniku.
Na 72 hadziny ŭ miežach kryminalnaj spravy za padpał šynaŭ na aŭtadarozie Baranavičy-Vaŭkavysk 24 śniežnia ŭ Słonimie byli zatrymanyja Alaksandr Jankoŭski, Andrej Ułasaŭ, Viktar Eder i Dźmitryj Zaniomanski. Jany byli źmieščanyja ŭ IČU h. Słonima.
U Miadzieli ŭzbudžana kryminalnaja sprava ŭ dačynieńni da miascovaha aktyvista Stanisłava Taspajeva. Jaho padazrajuć u paklopie (art. 188 Kryminalnaha kodeksa).
Heta samyja masavyja palityčnyja represii ŭ Jeŭropie za apošnija 40 hadoŭ.
Dla paraŭnańnia: kali b u praporcyi na dušu nasielnictva stolki ž ludziej zatrymali ŭ Rasii, heta skłała b 480 000. Kali b va Ukrainie ci Polščy — 130 tysiač.
Čytajcie taksama: «Niama na jaho artykuła — treba prydumać». U internecie źjaviŭsia zapis z vykazvańniami pra Cichanoŭskaha. Hołas padobny da Karajeva
Čytajcie taksama: «Kab vybary prajšli sumlenna, hetaha b ničoha nie było». Sudziać paštarku, jakaja raspaŭsiudziła asabistyja źviestki pra milicyjanieraŭ
