Kiraŭnik MUS Biełarusi Ivan Kubrakoŭ zapisaŭ navahodni videazvarot i pavinšavaŭ kaleh i vieteranaŭ, piša Tut.by.
— 2020-y sapraŭdy byŭ ciažki. Ciažki dla supracoŭnikaŭ orhanaŭ unutranych spraŭ, dy i ŭ cełym dla sistemy orhanaŭ unutranych spraŭ. Niahledziačy na vielizarnuju kolkaść praviedzienych niesankcyjanavanych masavych mierapryjemstvaŭ, na tyja biesparadki, toj chaos, jaki sprabavali pasiejać u haradach našaj respubliki asobnyja katehoryi hramadzian, usie hetyja sproby byli spynienyja supracoŭnikami orhanaŭ unutranych spraŭ. Niahledziačy na vielizarnuju fizičnuju nahruzku, psichałahičnuju nahruzku na našych supracoŭnikaŭ, jany z honaram i hodnaściu vykanali svaje słužbovyja abaviazki, — skazaŭ ministr.
Jon padziakavaŭ siemjam supracoŭnikaŭ unutranych spraŭ — «žonkam, baćkam, tym, chto čakaje zaŭsiody doma, chto padtrymlivaje ŭ hety nialohki čas».
Kiraŭnik MUS padziakavaŭ za pracu daktaram, jakija znachodziacca na pieradavoj baraćby z karanavirusam: «Vy z hodnaściu akazvajecie dapamohu supracoŭnikam orhanaŭ unutranych spraŭ». A taksama skazaŭ dziakuj vieteranam i pažadaŭ kaleham, kab usio drennaje zastałosia ŭ 2020 hodzie.
Nahadajem, Ivan Kubrakoŭ uznačaliŭ MUS krainy 29 kastryčnika 2020 hoda, źmianiŭšy na pasadzie Juryja Karajeva.
