Były vykanaŭca abaviazkaŭ premjer-ministra Kyrhyzstana Sadyr Žaparaŭ lidziruje na daterminovych vybarach prezidenta z 79,2% hałasoŭ. Pra heta śviedčać papiarednija źviestki Centrvybarkama, paviedamlajuć infarmahienctvy.

Kamisija apracavała 97,98% biuleteniaŭ. Pavodle jaje padlikaŭ, na druhim miescy apynuŭsia Adachan Madumaraŭ z 6,69%, na trecim — Babyržan Talbajeŭ z vynikam 2,38%. Astatnija nabirajuć ad 0,08 da 1,4% hałasoŭ. Za pasadu prezidenta zmahalisia 17 kandydataŭ. Jaŭka skłała 39,75%.

Apanienty Žaparava zajavili, što admaŭlajucca pryznać vyniki hałasavańnia.

Razam z daterminovymi vybarami ŭ krainie prajšoŭ refierendum ab formie kiravańnia. U biuleteń byli ŭklučany try varyjanty: prezidenckaja, parłamienckaja abo suprać abodvuch varyjantaŭ. Pavodle źviestak CVK, 80,99% prahałasavali za prezidenckuju formu praŭleńnia. Jaŭka na refierendumie skłała 39,88%.

Za hałasavańniem sačyli bolš za 300 mižnarodnych naziralnikaŭ z 40 dziaržaŭ. Samymi šmatlikimi byli misii ad struktur SND i ABSIE.

Raniejšy kiraŭnik dziaržavy Saaranbaj Žeenbiekaŭ 15 kastryčnika 2020 hoda padaŭ u adstaŭku paśla 10-dzionnych akcyj pratestu, vyklikanych niezadavolenaściu častki nasielnictva vynikami parłamienckich vybaraŭ. Žeenbiekaŭ uznačalvaŭ Kyrhyzstan roŭna try hady.

Клас
0
Панылы сорам
0
Ха-ха
0
Ого
0
Сумна
0
Абуральна
0