Fota z fejsbuka Fiodara Hrynieŭskaha

Fota z fejsbuka Fiodara Hrynieŭskaha

10 studzienia pamior Arkadź Rusiecki — były rektar Viciebskaha dziaržaŭnaha ŭniviersiteta imia Mašerava. Jamu było 78 hadoŭ.

Pryčyny śmierci nie paviedamlajucca.

Arkadź Rusiecki naradziŭsia 1 listapada 1942 hoda ŭ Hirevičach (siońnia Vałožynski rajon). Pracavaŭ rabočym saŭhasa «Rakaŭski», 1962 pa 1967 hh. — žurnalistam u «Brasłaŭskaj źviaździe», zatym skončyŭ BDU.

Pracavaŭ pieršym sakratarom abkama ŁKSM, druhim sakratarom Viciebskaha harkama KPB, z 1985 pa 1991 hod — pieršym namieśnikam zahadčyka adździeła prapahandy i ahitacyi, zahadčykam ideałahičnaha adździeła, sakratarom CK KPB.

U 1991-1992 hh. atrymaŭ zvańnie prafiesara i pracavaŭ na kafiedry etyki, estetyki i navukovaha ateizmu BDU. U 1995-1997 hh. — namieśnik, pieršy namieśnik staršyni Viciebskaha harvykankama, u 1997-2009 hh. — rektar Viciebskaha dziaržaŭnaha ŭniviersiteta imia Mašerava. 

Z 2009 hoda — prafiesar kafiedry ŭsieahulnaj historyi i suśvietnaj kultury VDU.

Raźvitańnie z Arkadziem Rusieckim adbudziecca 12 studzienia ŭ «Cichaj abicieli», što na vulicy Pietrusia Broŭki.

Клас
0
Панылы сорам
0
Ха-ха
0
Ого
0
Сумна
0
Абуральна
0