Alaksandr Kabanaŭ i Siarhiej Piatruchin. Fota «Radyjo Racyja»

Alaksandr Kabanaŭ i Siarhiej Piatruchin. Fota «Radyjo Racyja»

Palitviazień Alaksandr Kabanaŭ paviedamiŭ, što jaho i Siarhieja Piatruchina pieravodziać u SIZA ŭ Brest. Padčas dasudovaha śledstva błohiery znachodzilisia ŭ SIZA na vulicy Vaładarskaha ŭ Minsku, piša spring96.org.

Žycharka Bieraścia atrymała list ad błohiera Alaksandra Kabanava, jakim padzialiłasia z «Bresckaj hazietaj». U im Kabanaŭ paviedamlaje, što jahonaja kryminalnaja sprava pieradadziena ŭ prakuraturu dla nakiravańnia ŭ sud.

«A ja chutka da vas, u Brest. Zakryli spravu, jaje pieradali ŭ prakuraturu, i chutka budzie ŭ «sudzie». A sudzić buduć u Breście, i mianie, i Siarhieja [Piatruchina]. Tak što chutka pieraviazuć u SIZA Bresta. I buduć vazić u «sud». Tak što prychodźcie, kali łaska). I pryvodźcie znajomych. Tolki nie ździŭlajciesia z našaj spravy, u jakoj niama ni adnaho dokazu. Adny zdahadki i fantazii. Nu ŭsio, jak zaŭsiody, biełaruskaje «pravasudździe» jano takoje, svojeasablivaje. Jak i śledstva», — piša Kabanaŭ.

List datavany 28 śniežnia 2020 hoda. Nie vyklučana, što błohier ŭžo ŭ Breście.

Palitviazień Alaksandr Kabanaŭ byŭ zatrymany 15 červienia, kali pajšoŭ pa vykliku ŭ palikliniku dla kantrola pa adbyćci karancina, i dastaŭleny ŭ IČU Leninskaha rajona Bresta. Sud pakaraŭ błohiera aryštam u 15 sutak. Adnak 20 červienia błohier źnik ź IČU. Jahony los staŭ viadomy pravaabaroncam tolki 25 červienia, kali ŭ baćkoŭ Alaksandra Kabanava adbyŭsia pieratrus, a sam błohier byŭ pieraviedzieny ŭ minskaje SIZA-1. 

Alaksandr Kabanaŭ znachodzicca ŭ statusie padazravanaha pa kryminalnaj spravie, zaviedzienaj pavodle č. 1 art. 342 Kryminalnaha kodeksa i źviazanaj z padziejami ŭ Hrodnie 29 maja.

Palitviazień Siarhiej Piatruchin — brescki błohier, aŭtar jutub-kanałaŭ «Narodny reparcior» i «Youtube-deputaty».

16 červienia jon byŭ zatrymany ŭ vioscy pad Puchavičami, paśla čaho dastaŭleny ŭ Kobrynski IČU. 25 červienia Siarhieja Piatruchina dastavili ŭ izalatar časovaha ŭtrymańnia Minska.

Stała viadoma, što jon zatrymany ŭ miežach kryminalnaj spravy pa art. 342 Kryminalnaha kodeksa Biełarusi (Arhanizacyja i padrychtoŭka dziejańniaŭ, jakija hruba parušajuć hramadski paradak), źviazanaj z padziejami ŭ Hrodnie 29 maja.

Клас
0
Панылы сорам
0
Ха-ха
0
Ого
0
Сумна
0
Абуральна
0