Wikimedia Commons
Zasnavalnik kaśmičnaj kampanii SpaceX i hienieralny dyrektar Tesla Iłan Mask straciŭ status najbahaciejšaha čałavieka ŭ śviecie, vynikaje z danych rejtynhu Forbes Real-Time, što abnaŭlajucca ŭ realnym časie, piša RBK.
Paśla zaviaršeńnia tarhoŭ na amierykanskich biržach aktyvy Maska aceńvajucca ŭ $176,2 młrd. Za dzień jany skaracilisia na $13,5 młrd, abo 7,1%. Na pieršaje miesca ŭ rejtynhu znoŭ vyjšaŭ zasnavalnik Amazon Džef Biezas. Jaho aktyvy aceńvajucca ŭ $182,2 młrd. Za hod jany źmienšyłasia na $3,6 młrd, abo 1,96%.
Mask abahnaŭ Biezasa i staŭ samym bahatym biznesmienam u śviecie 7 studzienia. U toj dzień jaho bahaćcie vyrasła na $9 młrd i skłała $186,5 młrd. pa źviestkach rejtynhu Bloomberg Billionaires Index (BBI), 10 studzienia aktyvy Maska pieravysili $200 młrd. Ciapier BBI aceńvaje Maska ŭ $194 młrd, Biznesmien pa-raniejšamu znachodzicca ŭ hetym śpisie najbahaciejšych ludziej na pieršym miescy.
