spring96.org
Sud Drahičynskaha rajona razhledzieŭ kryminalnuju spravu 16-hadovaha Alaksandra Nieścieruka, jakoha abvinavacili ŭ ździeku ź dziaržaŭnych simvałaŭ (370 Kryminalnaha kodeksa). Spravu razhladaŭ staršynia suda Lavoncij Stankievič, paviedamlaje spring96.org.
Zhodna z abvinavačvańniem, Alaksandr Nieściaruk 7 listapada znachodziŭsia na hanku Doma kultury haradskoha pasiołka Antopal i «naŭmysna sarvaŭ dziaržaŭny ściah», źniščyŭšy pry hetym dreŭka koštam 10 rubloŭ.
Małady čałaviek vinu pryznaŭ častkova: dreŭka sapraŭdy złamałasia, ale ździekaŭ sa ściahu nie było. Materyjalnuju škodu kampiensavaŭ.
U vyniku da chłopca ŭžyli prymusovyja miery vychavaŭčaha charaktaru: abmiežavańnie voli na 6 miesiacaŭ. Z 22 hadzin viečara da 6 hadzin ranicy dnia jon pavinien znachodzicca pa miescy žycharstva i pavinien źjaŭlacca raz na miesiac dla rehistracyi ŭ orhan, jaki ažyćciaŭlaje kantrol za jaho pavodzinami.
