Fota Nadziei Bužan

Fota Nadziei Bužan

Najmalnikam dazvolili adpraŭlać rabotnikaŭ u apłatnyja adpačynki dla samaizalacyi i adpuskać na balničny biez zvarotu da doktara. Hetyja novaŭviadzieńni praduhledžany mierami padtrymki ekanomiki z-za niespryjalnaj epidsituacyi, paviedamlaje Tut.by.

Adpačynki dla samaizalacyi

Najmalnikam dazvolili davać adpačynak rabotnikam dla ich samaizalacyi. Ale jość umova: u dakumiencie prapisana, što miesca samaizalacyi vyznačaje najmalnik. Taki adpačynak apłačvajecca nie nižej za ŭstanoŭlenuju taryfnuju staŭku, akład, kali ŭ kalektyŭnym dahavory ci pahadnieńni nie prapisany inšy varyjant. Darečy, łakalnym dakumientam na pradpryjemstvie nie mohuć być praduhledžany vypłaty nižejšyja, čym ustanoŭlenaja minimalnaja płanka zakanadaŭstvam pa pracy. To-bok u kalektyŭnaj damovie moža być prapisana bolš vysokaja suma, čym ustalavany zakonami minimum, ale nijak nie nižejšaja.

Pry hetym praciahłaść takoha adpačynku pavinny vyznačać pa pahadnieńni bakoŭ.

Apłačvajecca balničny da troch dzion biez pachodu da doktara

Najmalnikam taksama dazvolili adpuskać rabotnikaŭ z-za chvoraha stanu na balničnyja da troch dzion biez pachodu da daktaroŭ, heta značyć biez afarmleńnia listka niepracazdolnaści. Praściej kažučy, ciapier možna adlažacca doma i nie iści ŭ palikliniku pa balničny. Ale skarystacca takoj mahčymaściu možna tolki try dni sumarna, pakul dziejničaje ŭkaz. Heta značyć možna ŭziać taki balničny, da prykładu, try razy pa adnym dni ci za raz try dni.

U pryvatnych kampanijach takija balničnyja mohuć apłačvacca. U dakumiencie prapisana, što «zachavańnie siaredniaha zarobku za pieryjad vyzvaleńnia ad pracy moža być praduhledžana kalektyŭnaj damovaj, inšym łakalnym pravavym aktam arhanizacyi». Vyklučeńnie — biudžetnyja arhanizacyi.

Uradu raniej prapanoŭvali ŭvieści apłatny balničny da 5 dzion biez pachodu da doktara.

Prastoi mohuć być biesterminovymi

Najmalnikam taksama dazvolili abjaŭlać prastoi z-za niespryjalnaj epidsituacyi biez abmiežavańnia ahulnaj praciahłaści na praciahu kalandarnaha hoda. U zvyčajnaj situacyi, nie źviazanaj z epidsituacyi, prastoj nie moža być bolšy za 6 miesiacaŭ u hodzie.

Pry prastoi, bolšym za 6 miesiacaŭ u hodzie, rabotnik moža prasić daterminovaje skasavańnie kantraktu abo pracoŭnaj damovy.

Клас
0
Панылы сорам
0
Ха-ха
0
Ого
0
Сумна
0
Абуральна
0