U staličnym Śviata-Duchavym kafiedralnym sabory 12 studzienia z 16:00 arhanizavany kruhłasutačnaje čytańnie klirykami Minskaj jeparchii Jevanhiella i ździajśnieńnie paminalnych nabaženstvaŭ pa pamierłym. Cieła mitrapalita pryviazuć u chram 13 studzienia ŭ 16:00, dzie da 18:00 projdzie raźvitańnie ź im.
U čaćvier, 14 studzienia, a 8:00 tam ža pačniecca sabornaja archirejskaja Boskaja liturhija, pa zakančeńni jakoj projdzie adpiavańnie Fiłareta.
Truna ź ciełam mitrapalita budzie znachodzicca ŭ Śviata-Duchavym kafiedralnym sabory da 18:00 14 studzienia, zatym jaje pieraviazuć va Uśpienski sabor Žyrovickaha mužčynskaha manastyra, dzie budzie ździejśniena kruhłasutačnaje čytańnie Jevanhiella. Tam ža ŭ piatnicu, 15 studzienia, u 10:00 pačniecca sabornaja archirejskaja Boskaja Liturhija, paśla zakančeńnia jakoj adbudziecca panichida. Paśla hetaha cieła Mitrapalita Fiłareta budzie pachavana za Kryžaŭźvižanskim chramam Uśpienskaha Žyrovickaha manastyra.
