Doktar chutkaj dapamohi, na jakoha ŭ balnicy 5 studzienia napaŭ prychilnik Alaksandra Łukašenki, ciapier na balničnym. U maładoha čałavieka čerapna-mazhavaja traŭma. Pra heta partału «Pieršy Rehijon» raskazała kiraŭnictva stancyi chutkaj dapamohi.

Paciarpieły tady napisaŭ zajavu ŭ milicyju. Pravodzicca pravierka. Doktar pracuje na stancyi try z pałovaj hady, raspaviała hałoŭny doktar Stancyi chutkaj miedycynskaj dapamohi Bresta Valancina Paškievič. Jon spakojny, nie kanfliktny i vyrazna prytrymlivajecca ŭnutranaha rehłamientu. Słovy chulihana pra toje, što miedyk moh niejkim čynam zakranuć jaho palityčnyja pačućci, jana ličyć absurdam.

 —Miedycyna pavinna być pa-za palitykaj i vytrymlivać niejtralitet, — kaža Valancina Vasiljeŭna. — Supracoŭnikam chutkaj dapamohi absalutna ŭsio roŭna, jaki kantynhient pierad imi. Zadača adna — vyratavać.

Časovaje vybyćcio sa stroju supracoŭnika ciažka adbivajecca na kalektyvie: jak kaža hałoŭny doktar, zaraz niekalki miedykaŭ na balničnych, i zamianiać svaich kaleham davodzicca z pastajannaj pieryjadyčnaściu.

Клас
0
Панылы сорам
0
Ха-ха
0
Ого
0
Сумна
0
Абуральна
0