Illa Vajtkievič. Fota z sacsietak

Illa Vajtkievič. Fota z sacsietak

Spravu razhladaŭ suddzia Siarhiej Bałondź, dziaržabvinavaŭcam byŭ prakuror Andrej Kłyševič, piša spring96.org.

Śledstva ŭstanaviła, što Illa Vajtkievič 28 žniŭnia ŭ sietcy UKantakcie ŭ hrupie «Nietypovy Astraviec» raźmiaściŭ kamientar, u jakim dapuściŭ, pavodle vyvadaŭ ekśpiertyzy, niehatyŭnuju acenku kiraŭnika krainy, napisaŭšy dva abraźlivyja słovy.

Kamientaryj pry hetym prahladzieła nie mieniej za 1500 karystalnikaŭ.

Na sudzie Illa patłumačyŭ svaje dziejańni emocyjami i niastrymanaściu i raskajaŭsia va ŭčynienym.

Pavodle mierkavańnia suda, byŭ uličany małady ŭzrost abvinavačanaha, pryznańnie viny i raskajańnie, a taksama toje, što Illa raniej byŭ niesudzimy.

U vyniku suddzia Siarhiej Bałondź pastanaviŭ pryznać Vajtkieviča vinavatym, pakaraŭšy abmiežavańniem voli na dva hady biez nakiravańnia va ŭstanovy adkrytaha typu (h.zn. chatniaj chimii).

Mabilny telefon «Honor», jak srodak ździajśnieńnia złačynstva, kanfiskavany ŭ dachod dziaržavy.

Клас
Панылы сорам
Ха-ха
Ого
Сумна
Абуральна