Načalnik vybarčaha štaba Lubovi Sobal na vybarach u Dziarždumu Volha Klučnikava paśla administracyjnaha aryštu vyjaviła ŭ svaim ajfonie prasłuchoŭvajučuju pryładu. Pra heta Sobal paviedamiła ŭ videa, apublikavanym u jutub-kanale «Navalnyj Live», piša meduza.io.
21 śniežnia Klučnikavu zatrymali kala doma mierkavanaha supracoŭnika FSB Rasii Kanstancina Kudraŭcava, vierahodnaha ŭdzielnika atručvańnia Alaksieja Navalnaha. Razam ź joj taksama zatrymali apieratara «Navalny Live» Akima Kierymava. Abodvuch abvinavacili ŭ niepadparadkavańni palicyi, jany praviali pad aryštam pa siem sutak.
Paśla vychadu sa śpiecpryjomnika Kierymaŭ nie zmoh atrymać svoj telefon, u toj ža čas Klučnikavaj telefon viarnuli, raspaviała Sobal.
«Heta było dziŭna. I tamu my pryhledzielisia da telefona lepiej i vyjavili tam prasłuchoŭku», — paviedamiła jana.
Volha Klučnikava ŭdakładniła «MBCH miedyja», što znajšła «žučok» jašče ŭ śpiecpryjomniku, kali joj u čarhovy raz vydali telefon na 15 chvilin, kab pahavaryć z rodnymi. «Na im byli skručanyja bałty (raniej telefon nie ŭskryvaŭsia), a taksama pryłada prykmietna zboiła: dadatki zapuskalisia i začynialisia sami pa sabie», — raspaviała jana.
Klučnikava dapuskała, što telefon nieachajna ŭskryli supracoŭniki FSB.
