«Usim pryvitańnie. Ja haładaju ŭžo miesiac, pakul samaadčuvańnie narmalnaje. Viedaju, što mnie pišuć sotni čałaviek, niekatoryja adhavorvajuć praciahvać haładoŭku. Ale ja praktyčna nie atrymlivaju listoŭ z 5 studzienia. Tak što, chutčej za ŭsio, tym, chto čakaje ad mianie adkazaŭ, pryjdziecca pačakać jašče, cytuje Ihara «Radyjo Svaboda».
Na žal, u sudach zakryli vočy na sfabrykavanyja kryminalnyja spravy i pakinuli mieru strymańnia biaź źmieny. Ale ja dumaju, nichto hetamu nia ździŭleny. Hetaja sytuacyja nijak nie paŭpłyvała na majo rašeńnie. Značyć, budu haładać da taho času, pakul u kahości nia źjavicca žadańnie adkryć Kodeksy i Kanstytucyju i pačać vykonvać zakon. Abo pakul u mianie nie admoviać orhany. Sastupać ja nie źbirajusia».
Dźmitry Lepretar naviedaŭ Ihara ŭ SIZA Žodzina.
«Ihar nie spyniaje haładoŭku. Rašeńni sudu Partyzanskaha rajonu Miensku i Mienskaha haradzkoha sudu pakinuć jaho pad vartaj nijak nie paŭpłyvali na namier Ihara praciahvać admaŭlacca ad ježy, — kaža advakat. — Na zdaroŭje nia skardzicca. Turemnyja medyki cikaviacca jaho stanam. Prynamsi, pytajucca ŭ Ihara pra heta, sprabujuć pamierać cisk.
Jon razmaŭlaje z psycholaham, jaki tam jość. Vyhladaje blednym. I bačna pa tvary, što jon schudnieŭ.
Pra razmovy z administracyjaj ničoha nie havaryŭ. Ja dumaju, kali b administracyja niejkim čynam chacieła na jaho paŭpłyvać, to Ihar by mnie raskazaŭ. Darja (žonka Ihara) siońnia pieradała nieabchodnyja leki dla jaho. Usio pryniali.
Na žal, da Ihara ciapier dachodzić vielmi mała listoŭ. Jon atrymlivaje tolki zakaznyja i telehramy, nie dachodziać navat listy pieršaj klasy. Heta jaho vielmi surjozna destabilizuje. Ihar viedaje, što jamu pišuć sotni ludziej, i jamu ciažkavata pieražyvać adsutnaść listoŭ. Adzin sa sposabaŭ skaracić čas za kratami — adkazvać na listy. My spadziajomsia, što administracyja SIZA zmoža vyrašyć hetaje pytańnie».
Pra chod raśśledavańnia spravy Ihara, a taksama pra toje, kali mahčymy pačatak pracesu, ničoha nie viadoma. Advakat Dźmitry Lepretar pad padpiskaj ab nierazhałošvańni.
