Heta była pieršaja razmova Bajdena z rasiejskim lideram z momantu ŭstupleńnia novaha prezydenta na pasadu, piša «Radyjo Svaboda».

Jak adznačajecca ŭ paviedamleńni pres-sakratara Biełaha doma Džen Psaki, padčas razmovy prezydent Bajden vykazaŭ zakłapočanaść šeraham krokaŭ rasijskich uładaŭ, uklučajučy zaklučeńnie pad vartu krytyka Kramla Alaksieja Navalnaha.

U razmovie z Pucinym Bajden taksama padkreśliŭ, što jaho administracyja vyvučaje maštabnuju kiberataku na amerykanski ŭrad SolarWinds, u jakoj padazrajuć rasiejskich chakieraŭ, i śćviardžeńni ab tym, što Rasieja prapanoŭvała talibam hrašovuju ŭznaharodu za zabojstva amerykanskich vajskoŭcaŭ u Aŭhanistanie.

Pa słovach Psaki, siarod pytańniaŭ, zakranutych u chodzie razmovy, była prapanova Bajdena ab pradaŭžeńni terminu dziejańnia dahavora SNV-3 na piać hadoŭ.

Jana taksama adznačyła, što prezydent vykazaŭ rašučuju padtrymku suverenitetu Ukrainy «pierad abliččam rasiejskaj ahresii».

Клас
0
Панылы сорам
0
Ха-ха
0
Ого
0
Сумна
0
Абуральна
0