«Krainy-kandydaty [na ŭstupleńnie ŭ ES] Paŭnočnaja Makiedonija, Čarnahoryja i Ałbanija, a taksama dziaržavy jeŭrapiejskaj zony svabodnaha handlu — Isłandyja, Lichtenštejn i Narviehija — dałučylisia da rašeńnia Rady ES ab uviadzieńni sankcyj suprać Biełarusi. Jany zabiaśpiečać adpaviednaść svajoj nacyjanalnaj palityki hetamu rašeńniu Rady», — havorycca ŭ pašyranaj u aŭtorak zajavie zamiežnapalityčnaj słužby ES.

Jeŭrasajuz užo ŭvioŭ try pakiety sankcyj suprać Minska, miery zakranuli 84 pradstaŭnikoŭ kiraŭnictva krainy, u tym liku Alaksandra Łukašenku i pradstaŭnikoŭ siłavych struktur. Usim im zabaronieny ŭjezd u ES, ich rachunki ŭ jeŭrapiejskich bankach, kali buduć vyjaŭlenyja, padlahajuć zamarozcy. Sankcyi taksama ŭviedzienyja suprać 7 jurydyčnych asob, u ich liku Kiraŭnictva spravami prezidenta, Minski zavod kołavych ciahačoŭ, AAT «140-y ramontny zavod», kampanii «Biełtechekspart», «Siniezis» i Dana holdings.

Клас
0
Панылы сорам
0
Ха-ха
0
Ого
0
Сумна
0
Абуральна
0