Prajekt pahadnieńnia maje na ŭvazie abjomy bienzinu i ciomnych naftapraduktaŭ u 9,8 młn ton u 2021-2023 hadach. U hod Biełaruś moža pastaŭlać praz rasijski party 3-3,5 młn ton naftapraduktaŭ. Pry hetym na 2021 hod majecca damoŭlenaść ab pieravałcy 2 młn ton bienzinu, mazutu, hazojlu i masła.

Dakumient praduhledžvaje zaklučeńnie kantraktaŭ take-or-pay («biary abo płaci») na pieravałku ŭ partach RF. U vypadku, kali biełaruski hruzaadpraŭščyk zabiaśpiečvaje pieravałku ŭ abjomie mienš uzhodnienaha, to marski terminał usio roŭna atrymlivaje płatu za ŭvieś uzhodnieny abjom.

Naftapradukty vytvorčaści biełaruskich NPZ buduć pieravozicca da partoŭ RF čyhunačnym transpartam. Rasijskaja i Biełaruskaja čyhunki ŭstalujuć svaje źnižki pa taryfach.

Nahadajem, što ŭ kancy žniŭnia Alaksandr Łukašenka zajaviŭ ab mahčymaj pieraaryjentacyi handlovych płyniaŭ na fonie ŭklučeńnia šerahu biełaruskich čynoŭnikaŭ u śpis sankcyj krain Bałtyi. U apošni čas praz Kłajpiedu pastaŭlałasia 1,4-2 młn ton biełaruskich naftapraduktaŭ u hod. Jašče kala 4 młn ton Biełaruś adhružała praz party Łatvii i Estonii.

Клас
Панылы сорам
Ха-ха
Ого
Сумна
Абуральна