Na sajcie adnaho z advakackich biuro źjaviłasia staronka Alaksieja Kiślaka — ciapier jon pamočnik advakata. 

Da niadaŭniaha času Kiślak pracavaŭ sudździoj u Leninskim rajonie Minska.

Čytajcie taksama: Piać sudździaŭ syšli ŭ adstaŭku pa ŭłasnym žadańni

Sam Kiślak admoviŭsia ad lubych kamientaroŭ, ale pa jurydyčnych kołach chodzić takaja historyja: maŭlaŭ, jon admoviŭsia jechać na Akreścina ŭ haračyja dni žniŭnia i sudzić tam ludziej pa palityčnych pratakołach. Bolš da jaho z takimi prośbami nie źviartalisia, ale i mahčymaści pracavać u sistemie ŭžo nie było, bo načalstva nie zadavolenaje takoj pazicyjaj.

Da žnivieńskich padziej Kiślak, jak i inšyja sudździ, pieryjadyčna razhladaŭ palityčnyja spravy pa 23.34 KaAP. Za pieradvybarčyja i antyintehracyjnyja pikiety jon prysudžvaŭ štrafy Eduardu Palčysu, Uładzimiru Arłovu, Mikałaju Statkieviču i inšym, na ahulnuju sumu kala 14 tysiač rubloŭ. Ale sutki nie davaŭ.

Pierachod sudździaŭ u advakaturu — davoli pašyranaja praktyka. Ale z 2020 hoda isnujuć peŭnyja prablemy z trapleńniem na advakackuju stažyroŭku i z atrymańniem advakackaj licenzii, jakuju vydaje śpiecyjalnaja kamisija.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?