Fota Depositphotos.com

Fota Depositphotos.com

Usio bolš ekśpiertaŭ u śfiery achovy zdaroŭja vystupajuć za šyrokaje vykarystańnie tannych chutkich testaŭ dla imhniennaha vyjaŭleńnia vypadkaŭ zachvorvańnia, bo, pa mierkavańni navukoŭcaŭ, bolš za 50 adsotkaŭ zaražeńniaŭ pieradajucca ludźmi, jakija pieranosiać chvarobu bieśsimptomna.

Za apošni čas miery biaśpieki stali jašče bolš aktualnymi praz źjaŭleńnie novych štamaŭ i rost śmierciaŭ ad kavidu ŭ ZŠA i krainach Jeŭropy. Heta stadyja pandemii vyklikała novuju chvalu karancinaŭ i łakdaŭnaŭ. Na dumku śpiecyjalistaŭ, hetyja viadomyja stratehii pa strymlivańni raspaŭsiudžvańnia infiekcyi — važnyja kroki ŭ baraćbie z novymi varyjantami karanavirusa, piša vydańnie The Wall-Street Journal.

Za hod karanavirus vyvučyli bolš daskanała, što daje mahčymaść daśledčykam pryjści da adzinaha mierkavańnia.

Novyja miery biaśpieki zasnavanyja na dvuch hałoŭnych faktach, jakija navukoŭcy zrazumieli. Pa-pieršaje, u adroźnieńnie ad bolšaści formaŭ hrypu i VRVI, ludzi, u jakich niama simptomaŭ, mohuć pieradavać virus.

Ekśpierty pa infiekcyjnych zachvorvańniach zaniepakojenyja takim maŭklivym raspaŭsiudžvańniem, bo jakraz heta adna z najvialikšych pieraškod dla strymlivańnia pandemii. Pa źviestkach centraŭ pa kantroli i prafiłaktycy zachvorvańniaŭ, ad 40 da 45 adsotkaŭ infikavanych pieranosiać chvarobu bieśsimptomna.

Pa-druhoje, daśledčyki vyjavili, što drobnyja čaścicy pavietra, viadomyja jak aerazoli, adyhryvajuć peŭnuju rolu ŭ raspaŭsiudžvańni kavidu. Jany mohuć pieramiaščacca na adlehłaść da 2 mietraŭ.

Pieršapačatkovyja supraćepidemijałahičnyja miery byli zasiarodžanyja na ryzycy pieradačy infiekcyi praź mikrakropli, što ŭźnikajuć padčas dychańnia čałavieka. Jak praviła, jany pralatajuć adlehaść na niekalki santymietraŭ, a zatym apuskajucca na ziamlu. Šmatlikija pradpryjemstvy paśla hetych źviestak pačali nabyvać pleksihłasavyja barjery.

Takija barjery praduchilajuć papadańnie kroplaŭ ź virusam na zdarovych ludziej. Heta peŭnaja achova dla rabotnikaŭ, jakija majuć karotkija kantakty ź ludźmi na praciahu pracoŭnaha dnia, naprykład, dla kasiraŭ. Adnak u takich miescach, jak spartyŭnyja zali, ofisy ci restarany, barjery nie takija efiektyŭnyja, bo hučnyja razmovy i hłybokaje dychańnie stvarajuć aerazoli, jakija zatrymlivajucca ŭ pavietry i abychodziać barjery.

Bolš za toje, ustaloŭka takich barjeraŭ upłyvaje na pavietrany patok va ŭsim pamiaškańni, što pieraškadžaje naležnaj vientylacyi i paharšaje achovu ad infiekcyi.

Navukovy kansultant Centra daśledavańniaŭ infiekcyjnych zachvorvańniaŭ Univiersiteta Miniesoty Liza Brosa adznačaje: «Isnuje pamyłkovaje mierkavańnie, što čaścicy, jakija pieranosiać virus, moža spynić barjer. Nasamreč jany raspaŭsiudžvajucca paŭsiul».

U pieršyja dni pandemii ekśpierty zaklikali rehularna ačyščać pavierchni, ale na dadzieny momant navukoŭcy vyjavili, što zabrudžanyja pavierchni amal nie ŭpłyvajuć na raspaŭsiudžvańnie virusa.

Pravierka tempieratury taksama stała nieaktualnaj u hramadskich miescach, bo zaraz dakładna viadoma, što daloka nie ŭsie pacyjenty z kavidam tempieraturać.

Śviežaje pavietra i dobraja vientylacyja, u svaju čarhu, vielmi važnyja dla pamiaškańniaŭ, pakolki virusnyja čaścicy raźlatajucca da taho, jak jany paśpiejuć zarazić.

Maski zabiaśpiečvajuć anałahičnuju pieravahu, bo źnižajuć kolkaść čaścic, jakija vyłučajuć infikavanyja ludzi.

Niekatoryja navukoŭcy śćviardžajuć, što dźvie maski robiać achovu jašče bolš efiektyŭnaj. Daśledavańnie, apublikavanaje ŭ kastryčniku, vyjaviła, što ŭ krainach, dzie adrazu byŭ uviedzieny masačny režym, śmiarotnaść ad kavidu mienšaja, čym u krainach biez takich mier.

Navukoŭcy sychodziacca na tym, što na hetym etapie patrebnyja šmatuzroŭnievyja supraćepidemijałahičnyja miery, bo nivodny mietad prafiłaktyki nie zaścierahaje na 100 adsotkaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?