Nahadajem, u apošni raz jon byŭ adklučany ad sietki 16 studzienia, paśla spracoŭvańnia sistemy abarony hienieratara. Sistema abarony spracavała padčas dośledna-pramysłovaj ekspłuatacyi pieršaha enierhabłoka, u ramkach jakoha pravodzicca testavańnie sistem i abstalavańnia, piša Tut.by.

— Nijakich zbojaŭ, niepaładak, ekstraardynarnych situacyj niama. Heta technałahičnyja spynieńni, pakolki adpracoŭvajucca roznyja režymy. Heta ŭsio pad kantrolem, usio pa płanie i ŭsio ŭ narmalnym režymie. Infarmacyja i zdahadki mohuć być roznyja, ale jany absalutna nie majuć pad saboj nijakaj padstavy, — skazaŭ jon.

Uładzimir Husakoŭ taksama adznačyŭ, što kali na BiełAES adbudziecca niejkaja niepradbačanaja situacyja, to na stancyi jość ceły šerah stupieniaŭ abarony, ale padčas adklučeńnia ad sietki nie było nieabchodnaści ich vykarystoŭvać.

— Błok pracuje ŭ narmalnym režymie. Kali treba jaho spynić — spyniajuć, kali treba zapuścić — zapuskajuć. Heta ŭsio praduhledžana technałahičnymi režymami.

— Elektrastancyja pracuje ŭ štatnym režymie, z kožnaj nahody daje kamientary asabista premjer-ministr. Ja ŭžo nie kažu pra ministra enierhietyki. Kožny vypadak razhladajecca, — adznačyŭ Andrej Kasoŭski, pieršy namieśnik staršyni dziaržaŭnaha kamiteta pa navucy i technałohijach, kandydat ekanamičnych navuk.

Клас
Панылы сорам
Ха-ха
Ого
Сумна
Абуральна