Siońnia ŭ pasiołku Ždanovičy Minskaha rajona zatrymali žančyn. Pavodle viersii milicyi, jany pryjšli admyvać farbu z zamalavanaj dniami vyjavy Paŭła Łatuški na budynku elektraščytavoj, a tam ich čakała zasada, pišuć u miascovym čacie.

Pavieł Łatuška — kiraŭnik Nacyjanalnaha antykryzisnaha ŭpraŭleńnia, były ministr kultury i adzin ź lidaraŭ apazicyi. Da emihracyi ŭ žniŭni jon žyŭ u Ždanovičach.

Jaho vyjava pratrymałasia ŭ Ždanovičach kala piaci miesiacaŭ, paśla čaho «nieviadomyja» jaje skazili. Ale žychary Ždanovič zahadzia pakryli jaje silikonam, tamu ludzi lohka zmyvali nasłajeńni farby.

Tak vyhladaŭ murał u aryhinale i tak jon staŭ vyhladać paśla skažeńnia.

Kali ludzi admyli hetyja plamy, «nieviadomyja» znoŭ zamalavali nanoŭ čornym kvadratam.

Jak paviedamlajecca, siarod zatrymanych — mama piaci dziaciej Volha Załatar. Druhuju žančynu zavuć Natalla.

«U nas učastkovyja chodziać i patrabujuć ad ludziej źniać ściahi i stužki. A čamu? A tamu što «ŭnosić raździaleńnie ŭ hramadstva». Brachnia na brachni — jakoje raździaleńnie? Ja ŭsich susiedziaŭ na vulicy viedaju, usie da adnaho suprać Łukašenki. Moža, dzie jakija členy kamisij ci adstaŭniki za jaho, ale ŭ nas tut takich nikoha, jakoje raździaleńnie, što vy havorycie, u nas poŭnaje adzinstva», — narakaje «Našaj Nivie» žychar susiedniaj z murałam vulicy, jakoha zmusili źniać biełaruskija stužki.

Volha Załatar była adnoj z naziralnic na vybarach 2020 hoda. Jak i na šmatlikich inšych učastkach, niezaležnych naziralnikaŭ u Ždanovičach sačyć za padlikam hałasoŭ nie dapuścili. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?