Sudovaje pasiadžeńnie zrabili zakrytym, nikoha aproč udzielnikaŭ pracesu i śviedkaŭ nie puścili ŭ zału, piša spring96.org.

Viadoma, što 20 vieraśnia Alaksiej udzielničaŭ u Maršy spraviadlivaści. U chłopca byŭ z saboj bieł-čyrvona-bieły ściah.

«U rajonie cyrka AMAP pačaŭ razhaniać pratestoŭcaŭ, zaviazałasia bojka», — raspaviadała maci Alaksieja Natalla.

Pavodle pastanovy, jakuju padpisaŭ staršy śledčy Alaksandr Ščahłoŭ, padazravany 20 vieraśnia, pamiž 15:00 i 15:30, na skryžavańni vulic Savieckaj i Puškina ŭ Homli ździejśniŭ hvałt u dačynieńni da inśpiektara kryminalna-vykanaŭčaj inśpiekcyi Paŭła Šapavałava.

U pryvatnaści, Hubič spačatku nanios «niavyjaŭlenym čynam adzin udar pa zadniaj pavierchni pravaj nahi» Šapavałava.

«Kali ŭ vyniku dadzienaha ŭdaru Šapavałaŭ P. A. upaŭ na ziamlu i schapiŭ Hubiča A. V. za nohi, taksama pavaliŭšy jaho na ziamlu, apošni, praciahvajučy svaje złačynnyja dziejańni, vyrvaŭ z zachopu svaje nohi i nanios imi nie mienš za dva ŭdary pa hałavie Šapavałava P. A., pryčyniŭšy jamu siniaki i rany na hałavie, jakija adnosiacca da cialesnych paškodžańniaŭ, što nie paciahnuli za saboj karotkačasovaha rasstrojstva zdaroŭja abo niaznačnuju ŭstojlivuju stratu pracazdolnaści», — havorycca ŭ pastanovie.

Alaksiej znachodzicca ŭ SIZA Homla z 20 kastryčnika.

Клас
Панылы сорам
Ха-ха
Ого
Сумна
Абуральна