Vadzim Zarankin. Fota: Aleś Pilecki, Tut.by.
Na pasadzie viciebskaha mera Vadzim Zarankin pracavaŭ apošni dzień 29 studzienia.
Vadzim Zarankin byŭ viciebskim meram hod — Łukašenka ŭzhadniŭ jaho pryznačeńnie 30 studzienia 2020 hoda. Da hetaha Zarankin uznačalvaŭ abłasny kamitet dziaržkantrolu.
Zarankinu — 57 hadoŭ, jon naradziŭsia ŭ vioscy Biel Dubrovienskaha rajona, skončyŭ Biełaruskuju sielskahaspadarčuju akademiju.
U Vadzima Zarankina — dva syny: Vadzimir i Filip. I abodva byli zatrymanyja paśla vybaraŭ.
Vadzimira pryznali vinavatym u pravaparušeńni pa artykule 23.34 KaAP i dali 10 sutak administracyjnaha aryštu. Adnak paśla suda Vadzimira nie zatrymali. Jon vyrašyŭ apratestavać rašeńnie ŭ abłasnym sudzie.
U vieraśni sud pakaraŭ i małodšaha syna — Filipa, administracyjnym aryštam za ŭdzieł u maršy suprać inaŭhuracyi Alaksandra Łukašenki. Chłopiec śćviardžaŭ, što ŭ akcyi nie ŭdzielničaŭ, a išoŭ dadomu z pracy.
