«Jak paviedamili ŭ DVP MUS, A.Rubiec znachodzicca na zabieśpiačeńni ŭstanovy, prymaje ježu zhodna z ustanoŭlenym paradkam. Stan jaho zdaroŭja zdavalniajučy», — napisaŭ telehram-kanał pres-słužby MUS.

Źmiaścili ŭ dadatak videa.

Bresckaja «Viasna» źviazałasia z maci palitviaźnia. Voś jak jana prakamientavała dadzienaje videa:

«Pra haładoŭku syna daviedałasia naŭprost ad advakata ŭ aŭtorak, 9 lutaha. U toj dzień jana naviedvała Aleha. Haładoŭka doŭžyłasia da karcara 5 dzion, z 4 lutaha pa 9 lutaha. Paśla jaho źmiaścili ŭ karcar, i tam haładać jon pierastaŭ. Videa MUS, chutčej za ŭsio, užo z karcara. Tak što infarmacyja pra haładoŭku nie fejk».

Zatrymany 10 žniŭnia ŭ Pinsku Aleh Rubiec na praciahu niekalkich miesiacaŭ znachodzicca ŭ SIZA №6 h. Baranavičy. Z pryčyny adsutnaści listoŭ ad siabroŭ i blizkich 3 lutaha jon abviaściŭ haładoŭku. Paśla čaho jaho źmiaścili ŭ karcar. Pra heta stała viadoma ad svajakoŭ palitviaźnia.

Aleh Rubiec skončyŭ licej u Pinsku i pracavaŭ traktarystam pa adpracoŭcy. Byŭ fanatam futbolnaha kłuba «Vołna». Jaho zatrymali ŭ Pinsku 10 žniŭnia i mocna źbili. Rubca padazrajuć pa spravie ab masavych biesparadkach (art. 293 Kryminalnaha kodeksa), piša Radyjo Svaboda.

Клас
0
Панылы сорам
0
Ха-ха
0
Ого
0
Сумна
0
Абуральна
0