Pavodle źviestak Miniusta, 10 lutaha była pryniata pastanova ŭrada № 61 pa hetym pytańni. Akramia taho, zaćvierdžana «darožnaja karta» pastupovaha pierachodu da ŭźbiekskaha ałfavita na asnovie łacinki, paviedamlaje Radyjo Azadłyk.
Dakumientam praduhledžana raspracoŭka prajektaŭ narmatyŭna-pravavych aktaŭ ab poŭnym pierachodzie na uźbiekski ałfavit, zasnavany na łacincy, a taksama ab zaćviardžeńni novaj redakcyi pravił pravapisu uźbiekskaj movy.
Zhodna z pastanovaj, prajekt pastanovy ŭrada ab zaćviardžeńni «praviłaŭ arfahrafii ŭźbiekskaj movy» budzie raspracavany na asnovie novaj redakcyi ŭźbiekskaha ałfavita na łacincy.
«Darožnaj kartaj» taksama namiečany poŭny pieravod na udaskanaleny ałfavit na łacinskaj hraficy aficyjnych veb-sajtaŭ, dakumientaŭ, ID-kart, pracoŭnych papier i roznych błankaŭ, nazvaŭ miescaŭ, vulic, najmieńniaŭ, nazvaŭ arhanizacyj, šyldaŭ, srodki masavaj ahitacyi, rekłamy i abjaŭ.
Akramia taho, usie centralnyja i miascovyja ŚMI, sajty, vydaviectvy, drukarskija pradpryjemstvy pavinny buduć całkam pierajści na łacinku.
