Lidzija Jarmošyna nazvała aptymalnuju datu dla praviadzieńnia refierendumu pa Kanstytucyi. Pra heta staršynia CVK zajaviła ŭ intervju Sputnik, piša Tut.by.
Jana nie zmahła dakładna skazać, kali projdzie refierendum.
— [Miascovyja] vybary pavinny prajści nie paźniej za 18 studzienia nastupnaha hoda. Takim čynam refierendum projdzie ŭ hetyja ž terminy. Chutčej za ŭsio, heta kaniec hetaha hoda. Lepš heta zrabić u siaredzinie śniežnia, — zajaviła Jarmošyna.
Na jaje dumku, vybary i hałasavańnie na refierendumie vielmi prosta sumiaścić, bo heta dva vybarčyja biuleteni.
— Heta naadvarot samy vyhadny varyjant. U nas refierendum, jak praviła, sumiaščaŭsia z vybarčaj kampanijaj. Dastatkova ŭspomnić refierendum 2004 hoda — heta sumiaščeńnie z parłamienckimi vybarami. Refierendum 1996 hoda častkova sumiaščaŭsia z vybarami ŭ miascovyja orhany ŭłady, — nahadała Jarmošyna.
Kiraŭnica CVK źviarnuła ŭvahu, kali refierendum pravodzicca asobna, zaŭsiody jość prablemy ź finansavańniem.
— Bo hrošy na refierendum nikoli nie płanujucca. Heta zaŭsiody takoje spantannaje rašeńnie. A voś hrošy na vybary deputataŭ ci prezidenta jość zaŭsiody ŭ biudžecie. Tamu refierendumy zaŭsiody imknucca sumiaścić, — reziumavała jana.
11 lutaha, vystupajučy na Usiebiełaruskim narodnym schodzie, Alaksandr Łukašenka zajaviŭ, što na praciahu hetaha hoda prajekt Kanstytucyi budzie hatovy, a ŭ pačatku 2022 hoda — vyniesieny na refierendum. 12 lutaha jon paviedamiŭ, što refierendum mohuć sumiaścić z praviadzieńniem miascovych vybaraŭ.
