Fota hi-tech.ua

Što heta takoje?

U ClubHouse nielha pisać pasty i abmieńvacca tekstavymi paviedamleńniami — tolki kamunikacyja hołasam, bieź videa. Karystalnik stvaraje čat (tut jon nazyvajecca «pakoj»), i tyja, kamu cikava heta tema ci čałaviek, dałučajucca da jaho. Havaryć mohuć adnačasova niekalki śpikieraŭ, kali chtości sa słuchačoŭ choča vykazacca, možna paprasić dazvoł u maderatara. «Pakoj» umiaščaje da 5 tysiač čałaviek.

Kali źjaviłasia sacyjalnaja sietka?

Jaje zapuścili viasnoj 2020 hoda. Stvaralnik — były supracoŭnik Google Poł Devisan. Kab raskrucić sacyjalnuju sietku, u jaje zaprašali sielebryci sa śvietu muzyki, kino, technałohij. Usplosk cikavaści adbyŭsia paśla taho, jak Iłan Mask u kancy studzienia anansavaŭ svaju hutarku na hetaj płatformie. Ciapier ClubHouse naličvaje 2,4 miljona karystalnikaŭ.

Cikava, što padobnuju ideju realizoŭvajuć i na bazie inšych sacyjalnych sietak: tvitara, fejsbuka. Vidać, heta reakcyja na pandemiju i abmiežavanaść žyvoj kamunikacyi. Ale kamanda ClubHouse ŭsich apiaredziła.

Jak tudy patrapić?

Fiška ŭ tym, što heta zakrytaja supołka. Trapić u sacsietku možna tolki pa zaprašeńni taho, chto ŭžo tam. Abo zarehistravacca i čakać, pakul płatforma vas puścić (nieviadoma, jak chutka heta zdarycca). U internecie ŭžo pradajucca zaprašeńni — na biełaruskich anłajn-barachołkach pa 20 rubloŭ. Ale jość prapanovy i pa niekalki socień dalaraŭ — u zakrytyja čaty pa intaresach.

Jak pracuje?

Sacsietka dastupna pakul tolki dla karystalnikaŭ ajfonaŭ. Pry rehistracyi ŭkazvajecie, čym cikaviciesia, — i płatforma prapanuje hutarki pa vašych intaresach.

Pakoi byvajuć publičnyja (zajści ŭ taki čat moža luby karystalnik) i pryvatnyja. Jak tolki hutarka pačynajecca, padpisčykam śpikiera prychodziać paviedamleńni pra heta. Dałučycca da pakoja možna ŭ luby momant. Jak tolki da hutarki dadajecca novy słuchač, paviedamleńni pra heta rassyłajucca i jaho padpisčykam. Raskład zapłanavanych čataŭ možna ŭbačyć u kalendary. Tak, siedziačy ŭ kvatery ŭ Mazyry, majecie šaniec zadać pytańni Marku Cukierbierhu ci Džaredu Leta.

Hutarki tut tolki ŭ realnym časie — jany nie zapisvajucca, ich nielha admatać. Jak tolki jany zakančvajucca, čaty vydalajucca.

Kali padsumavać, to spadabajecca tym, chto lubić padkasty (tolki tut jašče i pytańnie ekśpiertu zadać možna) i stamiŭsia ad rekłamy ŭ sacsietkach (siudy jana pakul nie dabrałasia). 

A biełarusy tam jość?

Jość. Dniami, naprykład, možna było pahutaryć z fudchantaram Kokobaj, zasnavalnikam PandaDoc Mikitam Mikada. Ciapier abmiarkoŭvajuć, čat z kim varta adkryć: Śviatłanaj Cichanoŭskaj, Paŭłam Łatuškam, Mikałajem Chalezinym ci Vadzimam Prakopjevym.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?