Zanzibar, typovaja karcinka. Fota z lifeistravel.com.ua
Siarod turystaŭ jość taksama hramadzianie Biełarusi, paviedamlajuć pasažyry.
Zanzibar (Tanzanija) karystajecca papularnaściu siarod turystaŭ padčas pandemii karanavirusa.
Niekalki pasažyraŭ paviedamili, što minułaj nočču nie ŭsim zabiaśpiečyli haścinicu. A tyja, kamu žyllo ŭsio ž dali, skardzilisia na drennyja ŭmovy.
«My spačatku načavali na vulicy, spali na travie, a zatym hrupu pasažyraŭ, u jakoj ja byŭ, zasialili ŭ žudasny hatel u niebiaśpiečnym rajonie Zanzibar-sici pobač ź miascovym kłubam i bardelem», — raspavioŭ žychar Kijeva Alaksiej Biaspałaŭ.
U paniadziełak 15 lutaha, pa jaho słovach, pasažyraŭ usio ž stali razvozić u inšyja haścinicy hrupami pa 20-30 čałaviek.
U Instagram adna z turystak aburałasia, što časam spać prychodziłasia na padłozie, u tym liku dzieciam. Skardziłasia taksama na pieraboi z charčavańniem.
Turapieratar JoinUp i avijapieravozčyk zapeŭnivajuć, što dali ŭsim turystam dobryja ŭmovy.
Ciažkaści z zasialeńniem tłumačać vysokim siezonam na Zanzibary, a zatrymku z vyletam — karanavirusnymi abmiežavańniami, z-za jakich składana arhanizavać novy rejs.
