«Jašče nie vieru, što ja na voli. Zdajecca, zaraz tudy viarnusia», — skazaŭ były viazień «Vaładarki».
Lavon pažartavaŭ, što ŭ turmie pryzvyčaiŭsia da telesieryjałaŭ i zabaŭlalnych šou, ciapier jahonaje lubimaje «Davaj paženimsia». Što da prysudu, Lavon Chałatran budzie jaho abskardžvać, a taksama źbirajecca adreahavać na toje, što pry zatrymańni jaho bili i abražali.
«Pakul sensu asabliva niama, ale abaviazkova treba heta zrabić. Spadziajusia, potym buduć umovy i instrumienty, kab heta spynić, bo tam bjuć kožnaha», — skazaŭ jon.
Pavodle Lavona, staŭleńnie achoŭnikaŭ «Vaładarki» da viaźniaŭ i ŭmovy tam prymalnyja, ale śledstva da palityčnych stavicca inakš.
«Palityčnych tam u kožnaj kamiery ŭžo pa 5 čałaviek, nie viedajuć, kudy padzieć, tasujuć», — skazaŭ Chałatran.
Dzie Lavon Chałatran budzie adbyvać «chimiju», palitviaźniu nieviadoma. Ź jaho ŭziali padpisku pra niavyjezd i naležnyja pavodziny. Pavodle prysudu, adzin dzień u SIZA Chałatranu zaličany za 2 dni na «chimii».
Aktyvistu štaba Babaryki Lavonu Chałatranu prysudzili 2 hady chimii i časova vyzvalili
Aktyvist štaba Babaryki Chałatran u apošnim słovie: «Ja lublu svaju radzimu — Biełaruś. Ja nie pryznaju vinu»
«Dubasili pa hałavie, pryhavorvajučy: «čarnadupy». Hutarka z žonkaj palitviaźnia pra vychavańnie syna biez baćki i ratavańnie tvorčaściu
