spring96.org
Viktara Taŭhienia abvinavacili ŭ tym, što ŭviečary 9 žniŭnia jon hruba parušaŭ hramadski paradak, a mienavita «machaŭ rukami, uklučaŭ hučna muzyku na mahnitafonie, stvaraŭ štučnaje aśviatleńnie lichtarykam».
Hetyja dziejańni byli kvalifikavanyja pa artykule 342 Kryminalnaha kodeksa. Da suda Taŭhień znachodziŭsia pad padpiskaj ab niavyjeździe. Za ŭdzieł u toj ža akcyi jon užo adbyŭ administracyjny aryšt z 12 pa 16 žniŭnia pa artykule 23.34 KaAP.
Padčas svajho dopytu na pieršym pasiadžeńni Taŭhień svajoj viny nie pryznaŭ, bo nie ličyŭ, što svaimi dziejańniami jon parušaŭ hramadski paradak. Zaŭvah jak z boku milicyi, tak i z boku hramadzian u toj dzień jon nie atrymlivaŭ. Na dumku advakata mužčyny, padčas sudovaha raźbiralnictva nie było ahučana nivodnaha dokaza viny abvinavačanaha.
