Padčas pieršaha dnia pasiadžeńnia. Tut.by
Druhoje sudovaje pasiadžeńnie pačałosia ŭ 10.30. Praces viadzie sudździa Śviatłana Bandarenka, dziaržabvinavačańnie pradstaŭlaje Ludmiła Ivanienka, Arcioma Sarokina abaraniaje advakat Volha Baciuk, Kaciarynu Barysievič — Andrej Mačałaŭ i Michaił Badnarčuk.
Na pasiadžeńnie vyklikali śviedku — doktara BCHMD, jaki lačyŭ Ramana Bandarenku. Pa jaho słovach, buduć vyklikać usich, chto akazvaŭ jamu miedycynskuju dapamohu.
Kryminalnuju spravu ŭ dačynieńni da Kaciaryny Barysievič i Arcioma Sarokina raspačali 19 listapada 2020 hoda. Ich abvinavacili ŭ vydavańni miedycynskaj tajamnicy, što, na dumku Hienprakuratury, paciahnuła ciažkija nastupstvy. Maksimalnaje pakarańnie pavodle hetaha artykuła — try hady pazbaŭleńnia voli. 13 listapada pad aŭtarstvam Kaciaryny Barysievič vyjšaŭ artykuł, u jakim sa spasyłkaj na miedycynskija dakumienty i kamientar doktara śćviardžałasia, što ŭ kryvi Ramana Bandarenki nie było vyjaŭlena etanołu. Pieršyja asoby zajaŭlali, što pamierły chłopiec byŭ pjany.
