mil.by
Na bryfinhu Aleh Voinaŭ adznačyŭ, što ŭ 2020 hodzie ŭpłyŭ na stan mižnarodnaha vajskovaha supracoŭnictva akazali pandemija i «niepavažlivaje staŭleńnie šerahu dziaržaŭ da volevyjaŭleńnia biełaruskaha naroda».
«Reakcyja na vybary prezidenta była palityzavanaj i nie nakiravanaja na raźvićcio dobrasusiedskich adnosin. Biahučaja situacyja (sukupnaść źniešnich i ŭnutranych pahroz biaśpieki) zapatrabavała pieraacenki vajenna-palityčnaj abstanoŭki», — adznačyŭ jon.
Na bryfinhu byli «pryviedzienyja fakty płanamiernaha razhortvańnia jeŭrapiejskaha siehmienta sistemy supraćrakietnaj abarony, pačatku funkcyjanavańnia ŭ Polščy apieratyŭnaj hrupy štaba 5 AK SV ZŠA i stvareńnia infrastruktury, jakaja zabiaśpiečvaje raźmiaščeńnie da 20 tysiač amierykanskich vajskoŭcaŭ, uzmacnieńnia raźviedvalnaj aktyŭnaści i pavyšeńnia intensiŭnaści palotaŭ stratehičnaj bambardzirovačnaj avijacyi VPS ZŠA, destabilizujučaha faktaru vučeńniaŭ «Abaronca Jeŭropy — 2020».
«Daviedziena, što ŭ vypadku praciahu krainami Zachadu palityki eskałacyi napružanaści Respublika Biełaruś pakidaje za saboj prava raspačać u 2021 hodzie šerah dadatkovych krokaŭ u halinie nacyjanalnaj biaśpieki», — havorycca ŭ paviedamleńni.
Taksama da vajskovych ataše daviali pazicyju Biełarusi «ab nieabchodnaści kankretnych i nieadkładnych dziejańniaŭ pa viartańni ŭ kanstruktyŭnaje rečyšča mižnarodnaha ŭzajemadziejańnia ŭ intaresach umacavańnia mižnarodnaj i rehijanalnaj biaśpieki i kankretnyja miery ich realizacyi».
Na bryfinhu taksama było ahučana, što Biełaruś aktyŭna vyvučaje mahčymaści zadziejničańnia svajho miratvorčaha patencyjału: «My hatovyja da pašyreńnia supracoŭnictva ŭ hetaj śfiery i čakajem vašych prapanoŭ».
