«Radyjo Svaboda»
«My pačynali jak Fond kulturnaj salidarnaści, prosta kab dapamahčy ludziam, — skazaŭ Siarhiej Budkin. — Ciapier ja baču, što ŭ nas značna bolš funkcyj. My ŭziali na siabie peŭnuju adkaznaść, jakuju ŭzhadnili z usimi palityčnymi strukturami, što prahnuć i robiać usio dla taho, kab Biełaruś abnaviłasia — heta i Kaardynacyjnaja rada, i ofis Śviatłany Cichanoŭskaj, i Pavieł Łatuška z Nacyjanalnym antykryzisnym kiraŭnictvam».
«My ŭzhadnili z usimi, što my vystupajem ciapier jak kulturny štab novaj Biełarusi i, akramia dapamohi, zajmajemsia pracesam padrychtoŭki reformaŭ i pracujem u mižnarodnym kirunku, — dadaŭ Siarhiej Budkin. — Praź miesiac abo paŭtara my pieranazaviomsia.
My vyrašyli, što budziem nazyvacca Biełaruskaj radaj kultury.
Hetaja struktura budzie pracavać z usioj kulturaj, a nie tolki z dapamohaj, jakaja pa-raniejšamu budzie praciahvacca».
Hałoŭnaja meta Biełaruskaha fondu kulturnaj salidarnaści, stvoranaha ŭ kastryčniku letaś, — dapamahčy jurydyčna, materyjalna i psichałahična tym tvorcam kultury, kaho zvolnili, chto syšoŭ u znak pratestu ci apynuŭsia ŭ składanaj žyćciovaj situacyi.
Fond uznačalili kulturny mieniedžar i pradziusar Ciarhiej Budkin, a taksama śpiavačka dy aktyvistka Maryna Šukiurava (Rusia). U lutym 2021 da Fondu dałučyŭsia suzasnavalnik Biełaruskaha svabodnaha teatra Mikałaj Chalezin.
