Pres-słužba prezidenta RF / TASS
«My, pa-mojmu, 33 napramki paznačyli — hetyja darožnyja karty, jakija vypracavali. My damovilisia ab tym, što my ich madernizujem, abnovim. Urady vielmi mnohaje zrabili, jany abnavili farmat. Siońnia pasoł Siamaška dakładvaŭ, što tam, moža być, zastałosia z 33 šeść-siem darožnych kart, nad jakimi ŭrady pracujuć. Usie astatnija hatovyja da padpisańnia», — adznačyŭ Łukašenka.
«Ja, viadoma, vielmi ŭdziačny Vam za tuju padtrymku, jakuju vy akazvajecie ekanomicy Biełarusi. Pavinien vas prainfarmavać, što heta nie darma, hrošy nie vykinutyja na viecier», — skazaŭ taksama jon.
Łukašenka taksama vykazaŭ nadzieju na praciah pieramoŭ z Pucinym.
«Heta sapraŭdy redkaść, što kiraŭniki dziaržaŭ ciapier sustrakajucca z voka na voka i razmaŭlajuć. Dumaju, što my praciahniem taki farmat razmovy», — skazaŭ Alaksandr Łukašenka.
Pucin u svaju čarhu zajaviŭ, što «instrumienty ŭzajemadziejańnia dobra adładžany, pracujuć dobra. U nas niama ni adnaho dnia, kab našy kalehi nie razmaŭlali adno z adnym, vyrašajučy tyja ci inšyja pytańni, jakija stajać pierad nami».
Prezident Rasii dadaŭ, što ŭ lutym-sakaviku ŭ Biełaruś buduć pastaŭlenyja novyja partyi vakcyny ad karanavirusa i technałohii jaje vytvorčaści.
