Incydent adbyŭsia 30 žniŭnia 2020 hoda kala 16.15 na vulicy Hramadoŭskaj u Maładziečnie. Supracoŭniki milicyi viartalisia z vykliku ŭ rajadździeł i źviarnuli ŭvahu na mužčynu, jaki pakazvaŭ nieprystojnyja žesty. Kali pravaachoŭniki spynilisia dla razboru, mužčyna dastaŭ dva nažy i nakinuŭsia na milicyjanieraŭ. Adnamu z supracoŭnikaŭ byli pryčynienyja cialesnyja paškodžańni ŭ vyhladzie kołataj rany ŭ patyličnaj vobłaści, druhomu — rezanaj rany halonki.
Prysudam suda jamu pryznačana pakarańnie ŭ vyhladzie pazbaŭleńnia voli terminam na 13 hadoŭ z adbyvańniem u papraŭčaj kałonii ŭzmocnienaha režymu z prymusovym lačeńniem ad chraničnaha ałkahalizmu. Abvinavačany raniej da kryminalnaj adkaznaści nie pryciahvaŭsia.
