U vychodnyja na 50 mietrach, plačom da plača, tam rybačyli bolš za 100 čałaviek. I heta niahledziačy na toje, što pačałosia paciapleńnie.
Hladzicie taksama:
Pahladzicie, kolki biasstrašnych rybakoŭ sabrałasia ŭ rybnym miescy na Niomanie FOTAFAKT
Uviečary, kala 19.00, siudy prybyli supracoŭniki MNS, Asvoda i milicyi. Jany raśpiłavali lod, paviedamlaje newgrodno.by.
Viadučy śpiecyjalist Hrodzienskaha Asvoda Juryj Palaščuk raspavioŭ karespandentu Newgrodno.by, jak usio adbyvałasia.
«Na praciahu troch apošnich dzion u zatocy na levym bierazie była vielmi vialikaja kolkaść rybakoŭ. Pačałosia paciapleńnie, i vada pajšła pa lodzie. Usio heta mahło pryvieści da masavaha ŭtapleńnia. Mienavita tamu nami było pryniata rašeńnie raśpiłavać u hetym miescy lod i puścić jaho pa Niomanie. Učora da 21:00 zajmalisia hetym pytańniem», — raspavioŭ Juryj Palaščuk.
