Namieśnik staršyni Rady biaśpieki Rasii Dźmitryj Miadźviedzieŭ parazmaŭlaŭ z Alaksandram Łukašenkam pa telefonie, paviedamili ria.ru ŭ sakrataryjacie Miadźviedzieva.
«Z-za ščylnych hrafikaŭ Alaksandra Ryhoraviča i Dźmitryja Anatoljeviča asabistaj sustrečy nie adbyłosia, jany parazmaŭlali pa telefonie i damovilisia sustrecca paźniej», — raspaviali ŭ Sakrataryjacie.
Raniej biełaruskimi aficyjnymi ŚMI paviedamlałasia, što Miadźviedzieŭ dałučycca da pieramoŭ Łukašenki i Pucina ŭ Sočy, kab abmierkavać «samyja aktualnyja pytańni», u tym liku pytańnie abarony i biaśpieki Sajuznaj dziaržavy. Ale ŭčora Dźmitryj Piaskoŭ skazaŭ, što heta nie tak.
