Fota Depositphotos.com
«Radary majuć vialiki patencyjał, kab zrabić miedycynskija ahlady bolš efiektyŭnymi, zručnymi i biaśpiečnymi», — pierakanany Kiolpin.
Choć ideja acenki radaram stanu serca nie novaja, bo takaja technałohija vykarystoŭvałasia, kab znajści ludziej, pachavanych zažyva, Kiolpin razam z kalehami pieršymi ŭ Jeŭropie raspracavali radyjołakacyjnyja sistemy dla miedycynskaha vykarystańnia.
Vysokaadčuvalnyja sensarnyja technałohii mohuć prymianiacca dla bieśpierapynnaha manitorynhu sercabićcia i dychańnia pacyjentaŭ. Užo byli praviedzienyja kliničnyja testy pacyjentaŭ, jakija pakazali efiektyŭnaść padobnych sistem, piša DW.
Tradycyjnaja elektrakardyjahrama rehistruje bićcio serca z dapamohaj elektrodaŭ i kabielaŭ, jakija złučajuć pacyjenta z pryborami. Z dapamohaj radyjołakacyjnaj technałohii mahčyma ažyćciaŭlać manitorynh dystancyjna i bieskantaktna. Čujnik, raspracavany niamieckim daśledčykam, rehistruje puls i dychańnie navat praz adzieńnie i pieradaje źviestki na kantrolnyja pryłady.
Sam čujnik, jaki ŭjaŭlaje saboj składanuju sensarnuju sistemu, vielmi kampaktny. Im možna karystacca navat doma. Kali serca pierapampoŭvaje kroŭ pa vienach, pavierchnia skury minimalna pulsuje taksama, što fiksuje čujnik.
Takim čynam prybor fiksuje pakazalniki žyćciova važnych funkcyj arhanizma i padaje sihnał tryvohi, kali vyjaŭlaje niebiaśpieku infarktu abo insultu. Kali čałaviek atrymlivaje takoje papiaredžańnie, to mieryprajemstvy pa vyratavańni pačnucca našmat raniej, što moža vyratavać pacyjentu žyćcio.
Akramia hetaha, Alaksandr Kiolpin nadaje ŭ svaim prajekcie šmat uvahi manitorynhu novanarodžanych dziaciej. Ličycca, što niavyjaŭlenaja epilepsija ŭ niemaŭlat źjaŭlajecca pryčynaj 20% raptoŭnych dziciačych śmierciaŭ.
Adnak dziakujučy čujnikam dzieci mohuć znachodzicca pad pastajannym nazirańniem. Pavialičvajecca vierahodnaść taho, što prystup budzie svoječasova vyjaŭleny.
Hetaja technałohija moža być karysnaj i ŭ baraćbie z karanavirusam. Pa anałohii z pulsam dystancyjna moža vymiaracca i tempieratura. Z dapamohaj takoha mietadu možna bieskantaktna daśledavać infikavanych, što źnižaje ryzyku zachvorvańnia dla miedycynskaha piersanału.
