Fota Depositphotos.com

Fota Depositphotos.com

Keci Dej Hud, vykładčyca stratehičnaj kamunikacyi z univiersiteta Majami, tłumačyć, što niaspynny patok adnastajnaj infarmacyi z sacsietak moža zrabić nas emacyjna čerstvymi. Pryčyna ŭ tym, što my atrymlivajem zašmat emacyjna afarbavanaj infarmacyi.

Akramia hetaha, niaspynnaje prahortvańnie stužki z navinami źmianiaje toje, jak naša niervovaja sistema reahuje na padziei, i robić ludziej bolš niedavierlivymi. U budučyni heta moža pryvieści da pierapadaŭ nastroju, straty apietytu i navat da sardečna-sasudzistych chvarob. Da taho ž, jość vierahodnaść, što praz pastajanny niehatyŭ z sacyjalnych sietak ludzi pačnuć mienš spačuvać adno adnamu, piša vydańnie Huffpost.

Jość niekalki rečaŭ, dziakujučy jakim možna vypravić situacyju i abmiežavać čas karystańnia sacyjalnymi sietkami.

Pierš za ŭsio, varta pryznać, što prablema złoŭžyvańnia sacsietkami sapraŭdy isnuje dla vas i što hetyja resursy drenna ŭpłyvajuć na vaša žyćcio. Paśla hetaha nieabchodna pastavić dla siabie miežy i nie prysutničać anłajn daŭžej za peŭny čas. Treba dakładna vyznačyć, kali i kolki času vy budziecie pryśviačać sacsietkam.

Psichołahi rajać šukać u internecie dobryja naviny i historyi, jakija dajuć pieraklučycca ź niehatyvu na pazityŭ.

Lepš nie karystacca sacyjalnymi sietkami biez dakładnaj mety, kali prosta jość volny čas ci treba spravicca ź niehatyŭnymi emocyjami. U takim razie bolš dapamoža fizičnaja nahruzka, miedytacyja, praca na karyść inšych ludziej, svajoj supolnaści i inšyja mietady dapamohi mientalnamu zdaroŭju.

Taksama varta navučycca ihnaravać adčuvańnie, što vy možacie prapuścić niešta terminovaje praz svaju adsutnaść u sacsietkach. My žyviom u infarmacyjnym hramadstvie, tamu, kali zdarycca niešta važnaje, vy abaviazkova tak ci inakš daviedajeciesia pra heta.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?