U IV kvartale 2020 hoda siaredniaja naminalnaja naličanaja zarabotnaja płata skłała 8859,9 leja (heta krychu bolš za 500 dalaraŭ u ekvivalencie), pavialičyŭšysia na 9,7% u paraŭnańni z papiarednim kvartałam i na 13,4% u paraŭnańni z IV kvartałam 2019 hoda.

U realnym siektary ekanomiki siaredniamiesiačnaja zarabotnaja płata vyrasła da 9198,9 leja (krychu bolš za 520 dalaraŭ).

Samyja vysokija pakazčyki siaredniamiesiačnaha zarobku ŭ IV kvartale 2020 hoda byli zarehistravanyja ŭ nastupnych halinach: infarmacyja i suviaź, finansavaja i strachavaja dziejnaść, vytvorčaść i pastaŭka elektraenierhii i ciapła, hazu, haračaj vady i pavietra.

Samyja nizkija pakazčyki siaredniamiesiačnaha zarobku byli zarehistravanyja ŭ haściničnym siektary i hramadskim charčavańni, u sielskaj, lasnoj i rybnaj haspadarcy, u śfiery mastactva, kultury i zabaŭ.

Takim čynam, siarednija zarobki ŭ Małdovie, jakaja doŭhi čas była najbiadniejšaj krainaj Jeŭropy, praktyčna paraŭnalisia ź biełaruskimi. 

Małdova ad 2010-ch uziała kurs na zbližeńnie ź Jeŭrasajuzam, u adroźnieńnie ad Biełarusi, jakaja ŭvachodzić u Sajuz Biełarusi i Rasii.

U Małdovie zarobki składajuć mienšuju, u paraŭnańni ź Biełaruśsiu, dolu ŭ ahulnych dachodach ludziej, bo tam bolšaja dola pryvatnaha siektaru ŭ ekanomicy, a značyć, u ludziej bolšyja dachody ad ułasnaha biznesu. Akramia taho, u Małdovie, jak i va Ukrainie, u ludziej bolš «šerych dachodaŭ», jakija nie ŭličvajucca statystykaj. Z druhoha boku, dziaržaŭnyja pasłuhi ŭ Małdovie daražejšyja, čym u Biełarusi.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?