Fota Depositphotos.com

Fota Depositphotos.com

1. Vy pravodzicie zašmat času pierad ekranam hadžetaŭ

Heta drennaja zvyčka źjaŭlajecca prablemaj dla mnohich. Vielmi časta my paddajomsia spakusie pravieryć pierad snom sacsietki. Adnak jarkaje śviatło ad ekranaŭ parušaje vaš son, bo jano padaŭlaje ŭzrovień miełataninu, jaki pačynaje vypracoŭvacca ŭ ciemry. U vyniku vy paśla nie možacie zasnuć.

Pa mierkavańni ekśpiertaŭ, varta spyniacca vykarystoŭvać pryłady jak minimum za hadzinu da snu. Čym daŭžej vy znachodziciesia ŭ ciemry, pakul śpicie, tym lepš, piša CNN.

2. Parušeńnie režymu

Praca i vučoba z domu časta pryvodzić da taho, što ludzi pačynajuć kłaścisia i pračynacca paźniej. Źmiena režymu moža stać prablemaj, bo bijałahičny hadzińnik arhanizma kantraluje ŭsio harmony, tempieraturu cieła, stravavańnie, a taksama cykły snu. Ihnaravańnie cyrkadnaha rytmu moža niehatyŭna ŭpłyvać na zdaroŭje.

Daśledavańni vachtavych rabočych, jakija praz pracu žyvuć nie ŭ adpaviednaści sa svaim bijałahičnym rytmam, pakazali, što jany majuć pavyšanuju ryzyku raźvićcia sardečnych zachvorvańniaŭ, atłuścieńnia, jazvaŭ i depresii. Bolš za toje, u ich nazirajecca zapavolenaja chutkaść reakcyi i pryniaćcia rašeńniaŭ.

Inšaje daśledavańnie pakazała, što źmiena režymu na 90 chvilin u lubym kirunku pavialičvaje ryzyku sardečna-sasudzistych zachvorvańniaŭ. Čym bolš dzion vy parušajecie režym, tym vyšejšaja ryzyka.

Tamu ekśpierty rajać vyznačyć dla siabie režym snu i zaŭsiody prytrymlivacca jaho navat u vychadnyja dni.

3. Vy adkładvajecie zvanok budzilnika

Cieła prachodzić 4 roznyja fazy snu niekalki razoŭ za noč, što dazvalaje arhanizmu adnaŭlać myšcy i imunnuju sistemu. Kali vy pračynajeciesia ad budzilnika, to vierahodna, što vaša cieła ŭžo nabliziłasia da kanca svajho apošniaha cykłu. Adnak kali adkładvać padjom na niekalki chvilin, to arhanizm znoŭ pačynaje zasynać, ale na hety raz zvanok budzilnika prypadaje na siaredzinu cykła, tamu čałaviek pračynajecca jašče bolš sonnym. Bolš za toje, drymotnaść u takim vypadku zachoŭvajecca na praciahu dnia.

Kali ŭ vas uźnikła pryvyčka naciskać na knopku paŭtoru, to možna pasprabavać pakinuć budzilnik na inšym baku pakoja. Tady kab vyklučyć jaho, vam pryjdziecca ŭstać, što dapamoža pazbavicca ad spakusy zastacca ŭ łožku jašče na niekalki chvilin.

4. Son dniom

Karotki son dniom moža być karysnym dla arhanizma, ale jon nie pavinien pieravyšać 30-40 chvilin, pakul cieła nie ŭvajšło ŭ cykł «hłybokaha snu». Doŭhi son dniom parušaje cyrkadny rytm, a heta pieraškadžaje paśla zasnuć nočču. Bolš za toje, praciahły son dniom časta vyklikaje drymotnaść, i čałaviek moža adčuvać siabie jašče bolš stomlenym.

Adnak ekśpierty miarkujuć, što dzionny son na praciahu 15-20 chvilin prynosić šmat karyści. Jon źmianšaje stomlenaść, paskaraje kahnityŭnuju dziejnaść, pavyšaje tvorčy patencyjał i palapšaje nastroj. Ale spać dniom varta pamiž poŭdniem i dźviuma hadzinami dnia, kab nie paŭpłyvać na načny cykł snu.

5. Nie varta hladzieć u stol

Ekśpierty śćviardžajuć, što kali ŭ vas nie atrymlivajecca zasnuć na praciahu 20 chvilin, to niama sensu praciahvać lažać u łožku. Varta rabić štości, što vas zaspakojvaje, pakul vy znoŭ nie adčujecie drymotnaść.

6. Vy praviarajecie čas

Časta, kali ludzi nie mohuć zasnuć, jany pačynajuć praviarać, kolki času im zastałosia da padjomu. Heta tolki ŭskładniaje praces zasypańnia, tamu ad hetaj zvyčki varta pazbaŭlacca.

7. Ałkahol pierad snom

Ałkahol i sapraŭdy chutka vyklikaje drymotnaść, adnak jon upłyvaje na jakaść snu. Padčas mietabalizmu prykładna praz čatyry hadziny ałkahol pieratvarajecca ŭ aldehid, jaki moža razbudzić vas i tym samym parušyć son.

8. Vaš arhanizm nie atrymlivaje fizičnych nahruzak

Ekśpierty pierakananyja, što čym mienš čałaviek zajmajecca sportam, tym čaściej jon sutykajecca z prablemami snu. Tamu daśledčyki rajać davać arhanizmu minimalnuju fizičnuju nahruzku štodnia.

Adnak varta mieć na ŭvazie, što varta paźbiahać praktykavańniaŭ niepasredna pierad snom. Fizičnyja nahruzki vyklikajuć vykid endarfinaŭ, što moža pieraškodzić chutka zasnuć.

9. Vy złoŭžyvajecie snatvornym

Daśledčyki nie rajać vykarystoŭvać snatvornaje, kab vypravić prablemy sa snom. Takija srodki chutka vyklikajuć pryvykańnie, a niekatoryja ź ich źviazanyja z depresijaj, paharšeńniem pamiaci i ahresijaj.

10. Vam nie chapaje «hihijeny snu»

«Hihijena snu» — heta sukupnaść sposabaŭ, jakija rychtujuć vaš mozh da snu. Dla hetaha treba raspracavać rucinu pierad snom i prytrymlivacca jaje štodnia. Možna prymać ciopłuju vannu ci duš, pačytać knihu, pasłuchać zaspakajalnuju muzyku, pasprabavać miedytacyju. Heta dapamoža vam supakoicca i chutčej zasnuć.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?