Ziać staršyni kvalifikacyjnaj kamisii pa pytańniach advakackaj dziejnaści zastaŭsia bieź licenzii. «Narodnaja Vola» pacikaviłasia ŭ Maksima Konana, ci maje jon namier abskardzić rašeńnie Miniusta.

— Praŭda, što staršynia kvalifikacyjnaj kamisii pa pytańniach advakackaj dziejnaści — vaš cieść?

— Z nahody Staravojtava skažu ščyra: hetaja infarmacyja — sakret Polišynela. Tak, jon źjaŭlajecca baćkam majoj žonki. Nie viedaju, ci varta pra heta pisać…

Ja na hetyja abstaviny nie źviartaju ŭvahi, prosta chaču adznačyć, što kankretna pa maim pytańni jon udziełu ŭ pasiadžeńni kamisii nie braŭ. Kali razhladali majo pytańnie, uznačalvaŭ kamisiju Viktar Čajčyc — jon źjaŭlajecca namieśnikam staršyni hetaj kamisii.

Mikałaj Staravojtaŭ. Fota Ministerstva justycyi. 

Mikałaj Staravojtaŭ. Fota Ministerstva justycyi. 

— A Staravojtaŭ uziaŭ samaadvod?

— Tak. Ale navat kali b jon tam prysutničaŭ, ja ŭsio roŭna b jamu advod nie zajaŭlaŭ.

— Na vašych siamiejnych adnosinach hetaja situacyja nie adbiłasia?

— Nie. Usie rašeńni my prymajem razam z žonkaj, a tavaryš Staravojtaŭ nijakaha ŭdziełu ŭ hetym nie biare.

— Ja tak razumieju, što vy toj čałaviek, jaki stvaryŭ advakackaje biuro «Konan i partniory»…

— Nie zusim tak. My stvaryli hetaje advakackaje biuro razam z maim byłym partnioram Aleham Varaksam, u jakoha spynili dziejańnie advakackaj licenzii ŭ 2017 hodzie. A astatnija partniory, jakija byli ŭ arhanizacyi, źjaŭlalisia techničnymi. Ciapier u arhanizacyi zastajecca techničny partnior, i jon budzie prymać rašeńnie, źviazanaje ź dziejnaściu biuro, tak jak ja paśla spynieńnia dziejańnia licenzii nijakich rašeńniaŭ u siłu dziejnaha zakanadaŭstva prymać nie zmahu.

— A vy možacie zastacca pracavać u biuro?

— Jość Pałažeńnie BRKA, jakoje zabaraniaje advakatu, zvolnienamu pa dyskredytujučych abstavinach (a farmalna majo zvalnieńnie hučyć mienavita tak), pracavać, u tym liku na pasadzie pamočnika advakata. Tamu inšy ŭdzieł u pracy biuro, napeŭna, niemahčymy. Być sakratarom, pamočnikam kiraŭnika — heta zusim nie toje.

— Licenzii pazbaŭlajuć nazaŭždy ci jość niejkija terminy, paśla jakich jaje možna viarnuć?

— U toj farmuloŭcy, u jakoj licenzii pazbavili mianie i maich kaleh, spyniena dziejańnie licenzii na try hady. Znoŭ stać advakatam možna nie raniej čym praz try hady. Ale spačatku treba budzie pa-novamu prajści stažyroŭku, zdać ekzamien, i tolki paśla hetaha znoŭ možna budzie stać advakatam.

— Vy dumali, čym budziecie zajmacca hetyja try hady, kali nie atrymajecca adstajać licenziju?

— Skažu ščyra: u mianie pakul niama nijakich kankretnych dumak adnosna taho, čym zajmacca. Choć prapanoŭ za apošni čas pastupała davoli šmat. Ź ich chočacca vybrać aptymalnaje. Ja pakul, napeŭna, niejki čas adpačnu, a zatym, u zaležnaści ad situacyi, razhledžu ŭsie prapanovy…

* * *

U kastryčniku sud Kastryčnickaha rajona prysudziŭ Maksimu Konanu 12 dzion aryštu nibyta za ŭdzieł u niesankcyjanavanym mitynhu kala haradskoha plaža ŭ Brasłavie. Pra heta advakat daviedaŭsia ź listoŭ, jakija jaho svajak znajšoŭ u paštovaj skryni pa miescy jaho rehistracyi, dzie advakat nie žyvie.

«Konan napisaŭ tłumačalnuju ŭ Minskuju kalehiju advakataŭ, patłumačyŭšy, što ŭ Brasłavie jon nie ŭdzielničaŭ u mitynhach, a jeździŭ tudy pa daručeńni klijenta, — paviedamlaŭ Tut.by. — 12 sutak Maksim Konan adsiedzieŭ u listapadzie. U vieraśni Maksim Konan vystupiŭ na sustrečy, jakuju pravodziŭ deputat Valeryj Varaniecki sa svaimi vybarščykami. Tady juryst zajaviŭ, što niedastatkova raspačać spravu za pieravyšeńnie ŭłady i słužbovych paŭnamoctvaŭ, pavinna być raspačata sprava pa artykule, pa jakim u nas nikoli jašče nie było spraŭ, — artykuł 128 Kryminalnaha kodeksa — złačynstvy suprać biaśpieki čałaviectva, pakolki havorka idzie ab katavańniach z palityčnych mierkavańniaŭ».

Jak u vyniku paviedamiŭ Miniust, dziejańnie licenzij na prava ažyćciaŭleńnia advakackaj dziejnaści, vydadzienych Ludmile Kazak, Michaiłu Kiryluku, Maksimu Konanu i Kanstancinu Michielu, spyniena z 24 lutaha.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?