Skrynšot videa STB
Aficery i sałdaty treniravalisia spyniać parušeńni i na šyrokich vulicach, i ŭ dvarach. Taksama adpracavali prymianieńnie śpiecyjalnych srodkaŭ. «Pa vynikach pastaŭlenyja zadačy byli vykanany asabistym składam na vydatna. Siłaviki prademanstravali, što lubyja niezakonnyja masavyja mierapryjemstvy skončacca, navat nie pačaŭšysia», — prahučała ŭ siužecie.
Kamientujučy vučeńni, namieśnik ministra ŭnutranych spraŭ Biełarusi — kamandujučy ŭnutranymi vojskami Mikałaj Karpiankoŭ — zajaviŭ, što «pratesny ruch praktyčna syšoŭ na ništo», «sapraŭdny narod Respubliki Biełaruś, pracoŭny, jaho nie padtrymlivaje», tamu masavaj akcyi nie atrymajecca. Da taho ž milicyja budzie pracavać na apiaredžańnie.
Skrynšot videa STB
— Ale kali jany i vyjduć dzieści, skažam tak, niejkimi svaimi dziasiatkami, pravaachoŭniki hatovyja, pravaachoŭniki viedajuć, chto jany takija, nam nie treba čas raźbiracca, što heta za źjava. Heta absalutnyja vorahi našaj dziaržavy, našaha ładu, i my ź imi vielmi chutka raźbiaromsia. Budziem navat staracca pracavać dzieści na previentyŭnaje zatrymańnie dla taho, kab i hetych sprobaŭ nie było. A kali vyjduć, usio, što było, my ź vialikim zadavalnieńniem paŭtorym, — zajaviŭ Karpiankoŭ.
Skrynšot videa STB
