«Pavyšeńnie koštu navučańnia ŭ dziaržaŭnych ustanovach adukacyi pakul nie płanujecca», — pryvodzić słovy Ihara Karpienki telehram-kanał Minadukacyi.
Fota Nadziei Bužan
«Razam z tym u Minadukacyi vyvučyli mahčymaści ŭstanoŭ vyšejšaj i siaredniaj śpiecyjalnaj adukacyi pa kampiensacyi dadatkovych vydatkaŭ, źviazanych z pavyšeńniem z 1 studzienia 2021 hoda zarabotnaj płaty rabotnikaŭ VNU i inšych zatrat pry realizacyi adukacyjnych prahram vyšejšaj i siaredniaj śpiecyjalnaj adukacyi na płatnaj asnovie ŭ dziaržaŭnych ustanovach adukacyi. Pryniata rašeńnie nie pavyšać ustanoŭlenuju apłatu za navučańnie, — skazaŭ Ihar Karpienka. — Pavyšeńnie zarabotnaj płaty i inšych vydatkaŭ na realizacyju adukacyjnych prahram budzie ažyćciaŭlacca za košt aptymizacyi inšych raschodaŭ ustanoŭ adukacyi».
Raniej paviedamlałasia, što niekalki VNU płanujuć pavysić košt navučańnia dla studentaŭ. U pryvatnaści, takoje rašeńnie ŭžo pryniali ŭ BDU, BDPU i Homielskim dziaržaŭnym univiersitecie imia Skaryny. Jak patłumačyli ŭ BDU, košt navučańnia budzie «skarekciravany ŭ suviazi z uzrosłymi vydatkami na apłatu pracy, kamunalnymi i inšymi vydatkami».
